POP 5

Lajmet më të lexuara të 5 minutave të fundit

Kronikë

Durrës, seks për turistët 
pranga tutorëve e prostitutave

Një rrjet prostitucioni është zbuluar nga Antikrimi i Policisë së Durrësit, ndërsa 7 persona kanë rënë në pranga. Nga të arrestuarit, 4 janë meshkuj dhe 3 femra. Një person i dyshuar si i implikuar në këtë rrjet prostitucioni është shpallur në kërkim ndërsa tetë të tjerë ndiqen në gjendje të lirë. VIDEO
Durrës, seks për turistët <br />pranga tutorëve e prostitutave
DURRES - Një hotel në vendin e njohur si “Ura e Dajlanit” në Durrës ishte bërë baza e një bande që shfrytëzonte disa vajza për prostitucion në shuma prej 1 mijë deri në 10 mijë lekë. Policia e qytetit bregdetar gjatë operacionit të koduar “Klienti” ka vënë në pranga 7 persona, ndërsa një i tetë është shpallur në kërkim. Një ndër klientët që është proceduar penalisht nga policia është edhe një 14-vjeçar shqiptar, por që jetontë në Zvicër. Është Policia e Durrësit e cila ka bërë të ditur se, të arrestuarit janë: Dorian Cakrri, 21 vjeç, Armando Tahiri, 17 vjeç, Adenis Selimi, 24 vjeç, Veljan Mazniku, 21 vjeç, Sonila Ymeri, 30 vjeçe, Malvina Skurra, 17 vjeçe dhe Luljeta Preza, 22 vjeçe. Ndërkaq, Mateo Dule është vënë në kërkim nga policia pasi ka shpëtuar. Të gjithë personat e arrestuar janë nga qyteti i Durrësit dhe ishin vënë nën hetim prej 2 muajsh.

Arrestimet e policisë
Pas dy muajsh hetimet dhe pasi kishin siguruar prova të mjaftueshme, Policia e Durrësit dje ka finalizuar operacionin “Klienti”. 8 persona, kryesisht të rinj janë vënë në pranga, pasi gjatë verës i kishin ofruar pushuesve seks në këmbim të parave, që varionin nga 1 mijë deri në 10 mijë lekë, kjo në varësi të shërbimit dhe të vajzës që zgjidhej. I gjithë aktiviteti i jashtëligjshëm zhvillohej në dy pika të qytetit të Durrësit, tek një hotel në zonën e urës së Dajlanit dhe një tek stacioni i trenit.

Shkrimi u botua në Shqiptarja.com (print) në 3 Shtator 2014

Redaksia Online
(d.a/shqiptarja.com) 


Kështu pushues nga Shqipëria, por edhe nga Maqedonia, Zvicër, apo shtete të tjera kishin qenë klientë të bordellos në qytetin bregdetar. Veljan Mazniku, 21 vjeç, mësohet se ishte menaxheri i hotelit, ndërsa të rinjtë Dorian Çakrri, 21 vjeç, Armando Tahiri, 17 vjeç, Adenis Selimi, 24 vjeç dhe Mateo Dule ishin tutorët e vajzave që ushtronin prostitucion, Sonila Ymeri, 30 vjeçe, Malvina Skurra, 17 vjeçe dhe Luljeta Preza, 22 vjeçe. Hetimi ndaj këtij grupi kishte nisur kur policia në rrugë operative kishte marrë informacione për veprimtarinë e jashtëligjshme që po ushtronin.

Ndëshkim klientëve
Por policia nuk është mjaftuar vetëm me arrestimin e atyre që ushtronin prostitucion, por ka vënë nën hetim edhe disa klientë të cilët ishin aty në kohën ku është zhvilluar aksioni. Klientët mësohet se, ishin pushues të ndryshëm, njëri prej të cilëve nga Maqedonia dhe një tjetër fëmijë i mitur, që banonte në Zvicër. Të akuzuar për “Dhënie shpërblimit për perfitim të prostitucionit” janë duke u hetuar në gjendje të lirë: R. S., 47 vjeç, banues në Maqedoni, Ç. C., 23 vjeç dhe A. N., 17 vjeç, të dy banues në Durrës dhe 14-vjeçari me inicialet J. M., banues në Zvicër. Ndërkaq nën akuzën e “Moskallëzimit të krimit” është vënë 43-vjeçarja me inicialet Dh. Xh., nga Durrësi.

Të arrestuarit:
Dorian Cakrri 21 vjec banues në Durrës
Armando Tahiri 17 vjeç banues në Durrës
Adenis Selimi, 24 vjec banues në Durrës
Sonila Ymeri 30 vjec banuese ne Durres
Malvina Skurra 17 vjec banuese ne Durres
Luljeta Preza 22 vjec banuese ne Durres
Veljan Mazniku 21 vjec banues ne Durres
 
U shpall në kërkim:
Mateo Dulaj 17 vjec banues ne Durres
 
Këta persona akuzohen për veprat penale "shfrytëzimit prostitucioni" "ushtrim prostitucioni" "vënia në përdorim e ambienteve për ushtrim prostitucioni" dhe "moskallzim krimi".

Redaksia Online
(Gre.M/Shqiptarja.com)
 

  • Sondazhi i ditës:

    Marrëveshje në Ohër, po shkojnë Kosova e Serbia drejt pajtimit përfundimtar?

Lajme të tjera



×

Lajmi i fundit

Vetë menaxhim a Asociacion, çdo të thotë për Kosovën?

Vetë menaxhim a Asociacion, çdo të thotë për Kosovën?

20 Mars, 11:18