Policia e Durrësit ka sekuestruar sot 10 kilogram lëndë narkotike kanabis sativa ndërkohë që ka vënë në pranga dy person, njëri prej të cilëve marinar i forcave detare,a dhe ka shpallur në kërkim një tjetër.

Siç bën të ditur policia, droga është sekuestruar në kuadër të operacionit policor të koduar “Fast” ku janë sekuestruar edhe një armë zjarri, fishekë, 2 automjete dhe telefona celularë. 

Në pranga kanë rënë Arjan Tabaku, 49-vjeç, Romin Davidhi 28-vjeç, punonjës në Komandën e Forcave Detare..

Arrestimi i tyre u bë pasi në lagjen Nr.13, Plazh, gjatë kontrollit të ushtruar në mjetin tip  Fiat, me targa AA 799 LB , me drejtues Arjan Tabaku, u gjetën dhe u sekuestruan 10  kg lëndë narkotike e dyshuar e  llojit Cannabis Sattiva; një trup pistolete bashkë me tytën; fishekë të kalibrit 7.62 mm; mjeti tip Fiat me targa AA 799 LB; mjeti tip Fiat me targa AA 078 GP dhe katër aparate telefoni celularë.

Gjithashtu, është shpallur në kërkim dhe  po punohet për kapjen e E.K. 25 vjeç, banues në Durrës.

Redaksia Online
(F.T/shqiptarja.com)