POP 5

Lajmet më të lexuara të 5 minutave të fundit

Sociale

Dëmet nga përmbytjet në Kurbin/ Baltë dhe inerte në banesa, banorët: Situatë e përsëritur, s’kemi marrë dëmshpërblim

Largimi I ujit nga shtëpitë e përmbytura në Kurbin, ka bërë edhe më të evidentueshëm dëmin e shkaktuar. Balta dhe inertet kanë shkatërruar orenditë shtëpiake, tokat bujqësore dhe blegtorale. Në inspektim të dëmeve ishte kryebashkiakja Majlinda Cara dhe prefekti Gjok Jaku.

Ndërprerja e reshjeve të shiut ka sjellë përmirësim të situatës së krijuar nga përmbytjet disa zona të Kurbinit. Uji është tërhequr nga zonat e shtëpitë, duke lënë pas, balten dhe inertet.

Në shumë familje uji deportoi  në banesa duke ju dëmtuar orenditë shtëpiake, ndërsa dëme ka patur edhe në bujqësi e blegtori. Banorët thonë se kjo nuk është hera e parë që përballen më këtë situatë dhe asnjëherë nuk janë kompensuar për dëmet e shkaktuara.

Banori: Veç njerëzit kanë shpëtuar të tjera jemi në rregull,.

Gazetari: Ke pasojë në banesë?

Banori: Hajde shihe, se akoma nuk e kam luajtur ujin se është aty brenda.

Gazetari: Është hera e parë?

Banori: E 4 apo e 5. Jam 65 vjeç,  e nuk kam pa, por ka nja 6 vjet që tek ne përmbytjet janë njëra pas tjetrës.

Banorja: Natyra, s’kemi ca i bëjmë…

Banori: Janë shkaktu… shumë janë shkaktu.. shpresojmë të bashkia te shteti. Kanalet nuk janë pastruar.

Gazetari: Jeni dëmshpërbly ndonjë herë ?

Banori: Jo, kësaj radhe shpresojmë se më parë jo.

Banorja: Mjaft materiale, divana, pula çfarë kemi pas parcelave janë prish krejt. Me ra shi ne nuk përmbytemi, por kanalet nuk janë pastruar.

Kryebashkiaku e Kurbinit Majlinda Cara thotë se grupet e punës kanë nisur verifikimin e dëmeve, ndërsa ka garantuar ndërhyrje të plotë për të parandaluar përmbytjet.

Prefekti i Qarkut Lezhë Gjok Jaku thotë se mbështetje për këto familje do të jetë e vazhdueshme.

Ndërkohë për familjeve të prekura nga përmbytjet u janë shpërndarë ushqime të cilat erdhën si kontribut i policisë së shtetit. Vërshimi i ujit i kanalit të ujerave të larta përmbyti 40 banesa në Kurbin si dhe dhjetra hektarë tokë bujqësore, ndërsa dëmet e shkaktuara janë të konsiderueshme.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

Lufta ndaj kriminalitetit ka nevojë për klimë normale politike, institucione të pavarura dhe guxim të reagimit të qytetarëve duke i refuzuar në masë si fenomene!

2 Nëntor, 15:05 nga Alban Daci