Agostin Sefa, i cili u përplas nga gomonia në bregdetin e Jalës të shtunën e 16 korrikut po lufton për jetën në spitalin e Traumës. Mjekët thanë për Report TV se 31-vjeçari ka kryer 3 ndërhyrja kirurgjikale, por ende nuk e ka kaluar rrezikun pasi ka dëmtime të shumta në bark dhe shpinë. Ky incident i rëndë u pasua nga një tjetër në zonën e Jonufras në Vlorë, ku motoskafi goditi një 7-vjeçar, i cili fatmirësisht nuk ka rrezik për jetën.
Pas këtyre ngjarjeve të rënda, Policia Kufitare dhe Roja bregdetare e Vlorë nuk kanë kryer asnjë kontroll ndaj motorëve të ujit që po rrezikojnë pushuesit.
Report Tv kreu një vëzhgim këtë të martë në Jalë, Dhërmi dhe Radhimë. Motorët e ujit shihen të lundrojnë dhe kryejnë manovra të rrezikshme fare pranë brigjeve.
"Kam parë motorë uji që ecin me shpejtësi sa të vjen frikë. Ata bëjnë ca u do qejfi se nuk ka kontrolle", tha një qytetare.
"Nuk ka siguri, shteti e ka fajin që lë këta horat, mafian që luajnë me skafe afër njerëzve. Duhet te qëndrojnë 2 milje larg bregut", u shpreh një tjetër qytetar në Vlorë.
E njëjta situatë është në plazhet në veri të vendit! Në Velipojë grupi i xhirimit të Report TV filmoi këtë "jetski" që kryen manovra në një distancë të afërt me pushuesit që po lahen në det...
Po kështu në Shëngjin, pushuesit shprehin shqetësim për mungesën e kontrolleve ndaj mjeteve motorike, si varka, gomone e motorë uji që nuk respektojnë kufizimet me bova detare.
"Jashtë vijave kufizuese kam parë të lëvizin. Policia me skaf nuk patrullon. Mendoj se duhet të ketë kontrolle se prezenca e policisë të jep siguri", thanë pushuesit në Shëngjin.
Në bazë të ligjit "127/2020" për regjistrimin, mënyrën e përdorimit dhe kontrollin e mjeteve lundruese turistike dhe të argëtimit, në pronësi të operatorëve turistike, duhet të ushtrohen kontrolle nga Policia Kufitare dhe Autoriteti Portual. Për ata që kryejnë manovra të rrezikshme dhe nuk lëvizin brenda kufizimeve detare, ligji parashikon gjobë në masën 50 000 lek deri në bllokim të mjetit lundrues.
*Vëzhgimi është realizuar nga gazetarët e Report Tv, Armand Xhelili, Elvis Hila, Ergys Kavaja
Komente
Lajme të tjera
-
Vinin baste sportive me celular, dy të arrestuar në Laç
23 Prill, 11:50 -
Djali i Tom Doshit bëri aksident dhe u favorizua nga policia, pezullohet nga detyra Shefi i Qarkullimit në Lezhë
23 Prill, 11:03
-
Vllaznia zhbllokon merkaton, klubi shkodran: 'Lufta' nuk zhvillohet vetëm në fushën e blertë
23 Prill, 11:00 -
Qatip Osmani optimist: Përmbysim Egnatian brenda 90 minutave dhe shkojmë në finalen e Kupës
23 Prill, 10:53 -
Malësi e Madhe, banesa dy katëshe u kthye në laborator droge! Në kërkim pronari, në hetim 5 punonjës të OSHEE-së (EMRAT+VIDEO)
23 Prill, 09:55 -
Sarandë/ Vuante nga probleme të shëndetit mendor, turistja gjermane rrëzon amerikanen nga shkallët në Lukovë
22 Prill, 15:19 -
Fredi Beleri kandidat për eurodeputet, Vangjel Tavo: Çështje që i takon Greqisë! Mitsotakis në vështirësi, do votat e ekstremistëve të djathtë
22 Prill, 12:15
-
Në BE shfrytëzonte prostituta, paratë i investonte në Shqipëri, i sekuestrohen pasuritë Klodian Ndogajt! Mes tyre biznesi me vlerë 500 mijë euro
22 Prill, 12:14 -
Aksident pranë rrugës Transballkanike në Vlorë, shoferja humb kontrollin nga shpejtësia dhe përplaset me një ‘Fiat’
22 Prill, 11:21 -
Vlorë/ Me pistoletë lodër grabitën 2 kalimtarë dhe një pikë karburanti, arrestohen 2 të mitur dhe 20-vjeçari (VIDEO)
22 Prill, 09:07 -
‘Tingujt e flautit' ne Lezhë, 15 vjeçarja mbush sallën! Ester Shema solli emocione të rralla për publikun
21 Prill, 19:01
-
Një fundjavë plot aktivitete për të rinjtë e Sarandës
21 Prill, 17:54
Edhe ne Dhermi po e njejta histori me motorret e detit…
Përgjigju