Dy alternativat për daljen nga
kriza institucionale e Kosovës 

Tashmë kanë kaluar pothuajse dy muaj nga mbajtja e zgjedhjeve nacionale në vend, shteti mbetet ende pa formimin  e institucioneve udhëheqëse.
 
Edhe pas thirrjes së seancës konstituive të Kuvendit të Kosovës, një gjë e tillë nuk u arrit në ditët që kaluan. Kryetari i Kuvendit nuk u arrit të propozohej përderisa pritet që seanca e radhës të mbahet të enjten e javës që vije.
 
E sipas analistit politik, Donik Sallova prolongimi i formimit të institucioneve po ndodhë për arsye të synimit të Grupit Parlamentar PAN për të zgjedhur Kadri Veselin si Kryetar të Kuvendit, sipas Indeksonline. 
 
“Formimi i institucioneve, përkatësisht zgjedhja e kryetarit te Kuvendit, është duke u prolonguar për shkak të synimit të Grupit Parlamentar PAN për të zgjedhur Kadri Veselin për kryetar të Kuvendit.
 
Pra është emri i tij ai që e ka bllokuar ketë proces, meqë grupet tjera parlamentare si LV dhe LAA kanë shprehur kundërshti për emrin e tij”, ka thënë Sallova.

Madje sipas analistit Sallova përballë politikës në vend janë dy alternativa: Caktimi i një tjetër kandidati të votueshëm për kryetar të Kuvendit nga PAN-i, ose shkuarja në zgjedhje të reja.
 
“Në ketë rast meqë PAN nuk i ka votat për ta zgjedhur vet kryetarin e Kuvendit, sepse për ketë i duhen vota edhe nga dy subjektet tjera shqiptare, përballe janë dy alternativa: caktimi i një tjetër kandidati të votueshëm për kryetar te kuvendit nga PAN-i; ose alternativa e dytë, shkuarja në zgjedhje të reja si pasojë e bllokimit të zgjedhjes së kryetarit të Kuvendit nga një emër i vetëm”,ka shtuar analisti.
 
Ndër të tjerash sipas Sallovës një rrugë e ndërmjetme logjike do duhej t’i drejtohej Gjykatës Kushtetuese e cila siç thekson ai duhet t’i japë rrugë-zgjidhje bllokimit në rast se PAN refuzon të propozojë kandidat tjetër më të votueshëm se Kadri Veseli.
 


dy.b/shqiptarja.com