Dy ditë pas fitimit të Euro 2024, në Spanjë shkarkojnë presidentin e Federatës së Futbollit

Gjykata e Arbitrazhit Sportiv (TAD) ka rënë dakord të pezullojë Pedro Rocha, presidentin e Federatës Spanjolle të Futbollit (RFEF), për një periudhë 2-vjeçare, nga 6 që ishin kërkuar.

Arsyeja? Shkarkimi i padrejtë i sekretarit të përgjithshëm Andreu Camps, një nga çështjet për të cilën hetuesi kishte propozuar pezullimin e presidentit. Gjithashtu, ai do të marrë një gjobë financiare prej 33 mijë eurosh.

Lajmi vjen vetëm dy ditë pasi kombëtarja e meshkujve fitoi Kampionatin Evropian 2024. Në postin e Rocha do të jetë zëvendëspresidentja e parë, në këtë rast María de los Ángeles García Chaves 'Yaye', e cila do të shërbejë gjatë periudhës së tranzicionit deri në shpalljen e zgjedhjeve.

Rocha mori postin e presidentit të përkohshëm pasi ish-kreu i Federatës Luis Rubiales dha dorëheqjen në shtator, disa javë pasi puthi Jenni Hermoso pa pëlqimin e saj pas fitores së Spanjës kundër Anglisë në finalen e Kupës së Botës për femra në gusht.

Si president i komitetit të menaxhimit të RFEF, roli i vetëm zyrtar i Rocha ishte të drejtonte zgjedhjet për të zgjedhur një president të ri. Gjatë kohës së tij në krye, Rocha mori vendime jashtë pushtetit të tij, duke përfshirë shkarkimin e anëtarëve të lartë të RFEF, duke përfshirë sekretarin e përgjithshëm Andreu Camps.

S.DH/Shqiptarja.com

TAG:
• Pedro Rocha
• spanje
• uefa