POP 5

Lajmet më të lexuara të 5 minutave të fundit

Opinion

Dy fjalë për grupin ‘hallexhinjtë e Lulit’

Përveç hallit mbi hall të Doktorit, Basha këto ditë po shpagon edhe hallet e deputetëve me njëri-tjetrin. Belindi ikën tek Doktori se Luli sot vërtet e bëri deputet, por nesër i kanë thënë se Ervinin do ta bëjë ministër.

Dy fjalë për grupin ‘hallexhinjtë e Lulit’

Përveç hallit mbi hall të Doktorit, Basha këto ditë po shpagon edhe hallet e deputetëve me njëri-tjetrin.

Belindi ikën tek Doktori se Luli sot vërtet e bëri deputet, por nesër i kanë thënë se Ervinin do ta bëjë ministër.

Luani ikën tek Foltorja se Luli e bëri dy herë deputet, por Enkelejdin, me të cilin ai nuk shkon, Basha e bëri nënkryetar partie.

Albana vërtet ka qenë deputete, kryetare komisioni, vazhdon te jetë kryetare gruaje që nuk mban mend as vetë kur i ka mbaruar mandati etj., por Luli e prishi në fund, sepse bëri Taulandën anëtare kryesie dhe kjo nuk mund t’i falet kurrë.

Të gjithë sa më lart nuk arritën që këto 8 vjet të na sillnin ca të rinj në PD. Atje ku korridoret duhet të gumëzhinin nga energjia rinore ka vetëm kulisa dhe 30 e kusur vjeçarë që duan të hyjnë në garë apo të ruajnë drejtimin e FRPD-së.

Të gjithë këta statutuorët që karrierën e kanë ndërtuar mbi humorin e kryetarit e kanë të qartë se dhe e ardhmja apo fundi do t’i vijë po nga humori… ose inati i kryetarit. Sepse nëse del jashtë selisë dhe statutit e nuk ke asnjë zanat apo s’të merr njeri në punë, s’ke ç’bën tjetër veç të lutesh që humori i kryetarit t’u ndriçojë karrierën.

Nuk po përmend ata të tjerët, që kanë dalë nga zyra e Doktorit me premtimin se do të jenë në vend të Lulit, pas garës së lirë, të hapur dhe të ndershme, ku do të kandidojë edhe vet Doktori.

E kështu me radhë halle mbi halle këto hallet e deputetëve të PD-së.

Imagjino se në çfarë halli të madh duhet të jenë demokratët kur shohin këto hallet e mëdha të deputetëve të tyre!

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56