Ministrja e Arsimit dhe Sportit, Ogerta Manastirliu, vizitoi sot shkollën "Hasan Prishtina" në Tiranë, një nga 300 shkollat në të gjithë vendin që është pajisur me laboratorë SMART.
Ajo theksoi rëndësinë e investimit në laboratorët SMART dhe integrimi i teknologjisë në mësimdhënie si hapa të rëndësishëm drejt arsimimit të së ardhmes.
“Kemi arritur jo vetëm në një periudhë të shkurtër kohe t’i bëjmë funksionalë 216 laboratorët SMART, por nga ana tjetër, me fillimin e kurrikulës së TIK nga klasa e parë dhe me investimin e qeverisë shqiptare me mbi 300 shkolla të pajisura me laboratorë SMART, kemi bërë të mundur që mbi 35 mijë fëmijë të mësojnë me këtë kurrikul të re.
Objektivi është që të gjithë fëmijët nga klasa e parë të kenë të tilla kushte dhe të mund të mësojnë. Vijojmë me investimet, duke bërë të mundur që edhe 654 laboratorë SMART të investohen në shkolla duke filluar nga viti i ardhshëm, 2025.”, tha Ministra e Arsimit dhe Sportit, Ogerta Manastirliu.
Ky investim është pjesë e strategjisë së Qeverisë për të përfshirë teknologjinë në arsim, duke përgatitur gjeneratat e reja për tregun global të punës dhe për zhvillimin e tyre profesional. Gjithashtu, Manastirliu nënvizoi rëndësinë e përdorimit maksimal të këtyre investimeve, jo vetëm për lëndën e TIK, por edhe për mësimin e lëndëve të tjera, përmes teknologjisë.
“Është shumë e rëndësishme mundësia për të shfrytëzuar maksimalisht këto investime që ne jemi duke bërë në shkolla. Shkolla 'Hasan Prishtina' ka dy laboratorë SMART tashmë të instaluar dhe funksionalë.
Duke qenë se është një shkollë me një numër të madh nxënësish, ne kemi vlerësuar që jo vetëm të plotësohet nevoja për sa i përket gjithë kurrikulës së TIK, por nga ana tjetër, për të bërë të mundur që këto laboratorë, nëpërmjet programeve që ofron teknologjia sot, të mund të përdoren edhe për lëndët e tjera.”
Investimet në sistemin arsimor do të vijojnë, duke e sjellë teknologjinë më pranë nxënësve dhe duke përmirësuar cilësinë e mësimdhënies dhe të mësimnxënies.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
