POP 5

Lajmet më të lexuara të 5 minutave të fundit

Sport

Dy muaj larg ndeshjes, shiten të gjitha biletat e miqve për Çeki - Shqipëri! Mbështetje maksimale për kuqezinjtë

Çeki - Shqipëri do jetë ndeshja e katërt në grupin E kualifikues të Europianit 2024, me duelin që do luhet në Pragë në 7 shtator 2023.

Dy muaj larg ndeshjes, shiten të gjitha biletat e miqve për Çeki - Shqipëri! Mbështetje maksimale për kuqezinjtë

'Fortuna Arena' në Pragë

Çeki - Shqipëri do jetë ndeshja e katërt në grupin E kualifikues të Europianit 2024, me duelin që do luhet në Pragë në 7 shtator 2023. Mësohet se tifozët e Kombëtares kanë blerë të gjitha biletat e nxjerra në shitje, edhe pse dy muaj para ndeshjes.

Pas fitoreve kundër Moldavisë dhe Ishujve Faroe në qershor, tifozët kanë shumë besim se edhe kundër Çekisë tanët do dalin me pikë, duke blerë të gjitha biletat e ndeshjes të vendosura në dispozicion.

800 biletat që tifozët miq kanë pasur në dispozicion janë shitur, teksa pritet që numri real i mbështetësve të Shqipërisë të jetë më i madh, kjo nisur nga interesi i lartë dhe përfshirja te tifozët e tjerë vendas.

Pas tre ndeshjeve të para në grup, Çekia mban vendin e parë me shtatë pikë, ndërsa me një pikë më pak (6), Shqipëria mban vendin e dytë dhe ndeshja e 7 shtatorit më 20:45 është shumë e rëndësishme për kualifikimin e kuqezinjve në Europian.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

VIDEO/ ​ Zjarr në një banesë në Lazarat

VIDEO/ ​ Zjarr në një banesë në Lazarat

22 Korrik, 22:34