TIMISOARA, Rumani - Sot në orën 15:20 avioni C130 i Forcave të Armatosura të Greqisë la pistën e aeroportit të Timisorës dhe u drejtua drejt Selanikut, teksa në bordin e tij u vendosën shtatë arkëmortet me trupat e tifozëve të PAOK-ut të cilët humbën jetën në aksidentin tragjik të së martës, kur furgoni i tyre u përplas "kokë më kokë" me një kamion në rajonin Timis të Rumanisë.
Dhjetë tifozët e klubit grek kishin si destinacion final Lyonin, ku sot në orën 21:00 klubi i tyre do luajë kundër francezëve për raundin e fundit (8) në fazën e ligës së Europa League.
Këtë të enjte në mëngjes, dy nga tre të plagosurit u nisën drejt Selanikut. Udhëtimi i kthimit për në Greqi i dy tifozëve të plagosur të PAOK-ut filloi në orën 10:42, kur avioni spitalor i Qendrës Kombëtare të Kujdesit dhe Emergjenës së Greqisë (EKAB) u nis nga aeroporti i Timisoarës. Tifozi i tretë i PAOK-ut i cili është i plagosur, iu nënshtrua dje një ndërhyrjeje kirurgjikale dhe nuk iu rekomandua lëvizja e shpejtë.
20-vjeçari Konstantino dhe 28-vjeçari Mario mbërritën në Greqi dhe më konkretisht në aeroportin 'Makedonia' të Selanikut rreth orës 13:00 të mesditës së sotme, nga ku u dërguan me autoambulanca drejt spitalit, pasi do mbahen ende nën vazhgim. I plagosuri i tretë, 20-vjeçari Kosta, duhet të qëndrojë për pak kohë në spitalin e Timisoarës, ndërsa dje iu nënshtrua një ndërhyrjeje kirurgjikale.
Ngjarja
Mesditën e të martës, furgoni i zi me të cilin tifozët e PAOK-ut ishin nisur nga Selaniku me destinacion Lyonin në Francë, u përplas "kokë më kokë" me një kamion në rajonin e Timis në Rumani, duke lënë pas shtatë viktima, tifozë të PAOK-ut. Mes tyre edhe shqiptarin Vasil Pilo. Mes të lënduarve është edhe një tifoz me origjinë shqiptare, Genci Sadiku, por që mund të ketë dy identitete ndaj nuk ndodhet në emrat më sipër.
Me avion ushtarak të forcave greke, trupat e shtatë tifozëve të PAOK-ut që humbën jetën të martën në Rumani, u nisën nga aeroporti i Timisoarës në drejtim të Selanikut. Në ambientet e aeroportit të Timisoarës, Mitropoliti Ioan zhvilloi edhe Trisainë e përshpirtjes për shtatë të ndjerët, teksa vendosi nga një trëndafil të bardhë mbi shtatë arkëmortet. Mes tifozëve që ndërruan jetë ishte edhe shqiptari me origjinë nga Korça, Vasil Pilo. Nuk munguan lotët te të pranishmit.
Komente
Lajme të tjera
-
Europa League mbyll sot fazën e ligës, 18 ndeshjet luhen në një orar! Vetëm dy skuadra të kualifikuara
29 Janar, 13:08 -
Champions League/ Mësohen kundërshtarët e mundshëm në play-off, Interi ose Reali përballen me Mourinhon! Juventusi kundër Brugge ose Galatasaray (SHORTI)
29 Janar, 09:00 -
Raporti i Eurostat: Shqipëria, vendi me peshën më të lartë të emigracionit drejt BE
29 Janar, 07:32 -
Champions League mbylli sot ndeshjet e ligës me 18 duele, skuadrat që kalojnë në fazën e 1/8-ave dhe play-off! Surprizojnë Reali, Juvja dhe Interi, ngec edhe PSG! Eliminohet Napoli
28 Janar, 22:58 -
Momente tensioni në Rumani, tifozi i PAOK thyen kamerën e gazetarit para spitalit ku po trajtohen tre të plagosurit pas aksidentit tragjik
28 Janar, 22:46 -
Greqi/ 4 adoleshentet dhunojnë 17-vjeçaren në Selanik dhe publikojnë videon në Instagram! 2 në pranga, mes tyre një shqiptare
28 Janar, 16:18 -
Dëmtime dhe burg, Florian Marku: Do të rikthehem në ring!
28 Janar, 15:57 -
Udhëtimi i fundit, flet kushëriri i tifozit shqiptar të PAOK-ut që humbi jetën në aksidentin tragjik: Vasili lindi në Greqi, humbëm kontaktet kur i vdiq i ati
28 Janar, 13:01 -
Mjeku grek tregon dëshminë e tifozit të plagosur të PAOK-ut: Sistemi automatik i korsisë dështoi, timoni i makinës u bllokua
28 Janar, 10:21 -
Klithma e vdekjes dhe furgoni i zi që mori jetën e 7 tifozëve të PAOK-ut, Selaniku në lot! Mjeku tregon dëshminë e të plagosurit: U bllokua timoni
28 Janar, 09:59 -
Champions League luan sot aktin e fundit të grupit, 18 ndeshje në një orar! Emrat 'big' që mund të mbeten jashtë, Napoli rrezikon eliminimin (LLOGARITË)
28 Janar, 09:03 -
Del foto, ky është tifozi shqiptar i PAOK-ut që humbi jetën nga aksidenti në Rumani
27 Janar, 23:02
