Dy lëkundje të njëpasnjëshme tërmeti janë ndjerë mëngjesin e sotëm në vendin tonë. Në lidhje me këtë situatë sizmiologo Rrapo Ormëni i ftuar në ‘Sot Live në Shqipëri’ tha se këto janë pasgoditje që kanë vijuar prej tërmetit që ra më 24 qershor.

“Këto quhen pasgoditje që nga 24 qershori, sepse kanë rënë në të njëtën zonë. Do të ishin problematikë nëse tërmetet do të ishin 4.4 ose 4.5 ballë”, tha Ormëni ndërsa theksoi se rënia e tërmeteve nuk ka lidhje me stinën apo temperaturat e larta.

Ormëni gjithashtu theksoi se zona e Adriatikut është mjaft aktive sa i përket tërmeteve.

“Fushë- Kruja futet te zona sizmike në vendin tonë. Adriatiku është një zonë që çliron tërmete të njëpasnjëshme. Zona Lushnjë-Elbasan dhe Korçë-Peshkopi gjithashtu janë mjaft aktive sa i përket aktivitetit sizmiologjik.

Në fund të intervistës Ormëni tha se këto tërmete mund të zgjasin me ditë ose dhe me javë, teksa shtoi se nuk mund të bëjmë një parashikim përfundimtar.

Në kujtesën e gjithsecilit prej nesh janë ende të gjalla lëkundjen e vitit 2019, por për Ormënin, tërmete me magnitudë të tillë ndodhin vetëm 1 herë në 100 vite

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera