POP 5

Lajmet më të lexuara të 5 minutave të fundit

Politikë

Dyfishim page për deputetët dhe ministrat, qytetarët: E padrejtë, rritja duhej për profesionistët, jo politikanët

Dyfishimi i pagës së deputetëve shikohet nga qytetarët si akt i padrejtë. Të pyetur nga “Report Tv”, ata shprehën se rritjen më të madhe duhet ta kishin profesionistët e administratës dhe pensionistët por jo politikanët.

Deputetët dhe ministrat janë përfituesit e mëdhenj nga ligji I ri I pagave që u miratua të enjten në Kuvendin e Shqipërisë. Deputetët përfituan rritje 98% të pagës, nga 156 mijë lekë që paguhenin deri më tani, do të përfitojnë 310 mijë lekë. Rritje me 72% pësoi edhe kryeministri, ndërsa Presidenti me 65%. Kreu i shtetit përfiton një rritje të pagës, nga 257 mijë lekë në 425 mijë lekë të reja. Kryeministri dhe kryetarja e Kuvendit, të cilëve paga u shkon nga 228 mijë lekë, në rreth 393 mijë lekë të reja.

Përfitues janë edhe ministrat të cilëve ligji i ri u dyfishon pagat, nga 174 mijë e 760 lekë në 318 mijë lekë të reja.  Paketa e miratuar sjell rritje edhe për drejtuesit e disa institucioneve, si komisioni i shërbimit civil, Autoriteti i Konkurrencës, AKEP-i, Enti Rregullator i Ujiit, AMA, Komisioneri për të Drejtën e Informimit, ai për mbrojtjen nga diskriminimi, etj, ku niveli I pagave vendoset në 255 mijë lekë të reja, nga 115 mijë lekë që ka qenë deri tani. Edhe për punonjësit e tjerë të administratës fillon një rritje e përgjithshme nga 10 – 35 mijë lekë.

Qytetarët të pyetur nga “Report tv” për rritjen e pagës që përfitojnë deputetët, nuk kanë nguruar të ironizojnë.

"Rritje shumë e madhe në krahasim me nivelin e rrogave që është në Shqipëri, deputetë marrin një rrogë shumë të madhe. Nuk e meritojnë, sepse shkojnë aty dhe tallen me popullin edhe në fund fusin lekët në xhep edhe ikin.

Nuk kanë arsye pse me ua rrit rrogën aq shumë.

3 mln e 100 mijë kanë rrogën, edhe një dy biznese i kanë, 5 mln. Kurse na marrim nga 150 mijë lekë (të vjetra).

Populli nuk ka gjë se vuan.

Të dy krahët hajdutë janë, kaq di unë", shprehen qytetarët.

Ligji i ri është pjesë e strategjisë së qeverisë për të rritur pagën mesatare në vend nga 530 euro në 930 euro dhe përfitues të parë ka 130 000 punonjësit e administratës. Strategjia parasheh dy faza, e para 1 prill 2023, e cila mori jetë me votimin në kuvend, ndërsa faza e dytë pritet të zbatohet në prillin e vitit 2024.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Demotakercita: 27/05/2023 08:10

    Ndryshimi me perparesi rritjen e pagave do ta quaj te arsyeshem .Dilema eshte se:Pse rritja nuk eshte me te njejtin hap?Edhe me % te njejte rritja e pagave te politikaneve do te ishte shume e madhe ne raport me punonjesit e tjere. Per kujtese:Edhe kur punon "POLITIKAN" merr page?(Ne kushtet kur per korrupsionin e tyre flitet me te madhe).

    Përgjigju
  • Iris: 27/05/2023 03:52

    Ja ta zeme se rroga mesatare u be 930 euro,nga do te dale kjo rritje?-Nga rritja e taksave,ulja e shpenzimeve,shtimi i eksporteve,rritja e prodhimit te brendshem.Qeveria duhet te jape shpjegime se nga do te dalin keto para dhe populli e mediat duhet te kerkojne shpjegime.Turizmi dhe remintancat e emigracionit jane /miell hua/,te ndertosh ekonomine mbi to eshte si te ndertosh mbi rere.Duhen shpjegime,ose ndryshe heret a vone do te jeni perpara nje realiteti te hidhur-inflacion i pergjithshem.

    Përgjigju
  • Pensionisti: 26/05/2023 20:09

    Jane ba bashke me rrjep popullin,seance parlamentare me qete skishte ndodh ndonjehere,ishin ba deputete si pulat,tashti e kam kuptu krymin.sa mashtrus qe eshte,ju vrafte zoti te gjitheve,votat i doni nga pensionistet.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce