POP 5

Lajmet më të lexuara të 5 minutave të fundit

Kronikë

Shëndeti

Dyfishimi i tarifave dentare, Autoriteti i Konkurrencës nis hetimet, paralajmërohen edhe klinikat (Vendimi)

Autoriteti i Konkurrencës vendos nisjen e një hetimi paraprak lidhur me vendimin e Urdhrit të Stomatologëve për dyfishimin e çmimeve për 13 shërbime dentare. Hetimi do të konsistojnë në verifikimin nëse ky urdhër, dëmton konkurrencën në treg. Masa janë paralajmëruar edhe për klinikat dentare të cilat rrezikojnë të gjobiten nëse aplikojnë çmimet e rritura.

TIRANË - Autoriteti i Konkurrencës ka nisur hetimet lidhur me vendimin e Urdhrit të Stomatologut për rritjen e tarifave për rreth 13 shërbime dentare. Në mbledhjen e zhvilluar këtë të hënë, Autoriteti i Konkurrencës ka konstatuar se ligji ndalon të gjitha marrëveshjet, të cilat kanë si objekt ose si pasojë pengimin, kufizimin ose shtrembërimin e konkurrencës në treg. "Vendimi i Urdhrit të Stomatologut, mund të ketë elementë të kufizimit të konkurrencës në kuptim të nenit 4 të Ligjit 9121/2003", thuhet në vendimin e marrë sot. 

Gjithashtu, masa janë paralajmëruar edhe për klinikat dentare të cilat rrezikojnë të gjobiten nëse rezulton se fiksimi i çmimeve dysheme bie ndesh me ligjin dhe dëmton konkurrencën në treg.  

Vendimi i Autoritetit të Konkurrencë për tarifat dentare

Disa ditë më parë Urdhri i Stomatologëve njoftoi se prej fillimit të 2019-s, klinikat dentare në vend po aplikojnë një listë të re me çmimet dysheme për shërbimet bazë që ofrojnë, duke i rritur tarifat me 100%. Për një mbushje dhëmbi të gradës së dytë, përpara 1 janarit, pacientët në klinikën e tij duhet të paguanin 2,000 lekë, ndërsa tani me çmimin dysheme që ka vendosur Urdhri i Stomatologut, pacientët duhet të paguajnë 4,000 lekë, ose dyfish.

Rritje ka pasur edhe për shërbimet e tjera dentare. Pjesa më e madhe e klinikave në vend për vizitat e pacientët (ekzaminim me sy) i kanë falas, por prej 1 janarit për vizitat çmimi dysheme është 500 lekë. Për mbushjet e gradës së tretë, çmimi ishte 3,000 lekë, ndërsa me referencën e re çmimi bëhet 5.000 lekë (2.000 lekë më shumë, shtrenjtim 67%). Çmimi për pastrimin e gurëzave dhe të cipave bëhet 3.000 lekë, nga 1.500 lekë, sa dyfishi. Heqja e dhëmbëve bëhet 1.000 lekë nga 500 që ishte. 

Lista e çmimeve dyshmeve për shërbimet dentare

Ndërkohë kundër është shprehur edhe Ministria e Shëndetësisë e cila ka paditur në Gjykatë vendimin e Urdhrit të Stomatologëve (Lexo këtu). 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Robshi: 28/01/2019 17:46

    E para urdhri nuk ka karakter detyrues keshtu qe i rruan trapin kushdo ligjerisht...E dyta per mua problemi eshte qe ska cmim tavan jo dysheme e ska kontroll cilesie se keshtu dentisti te vjedh né cilesi sherbim e cmim fundja 500leke ben nje xhiro me taksi do beje heqja e dhembit qe fundja eshte operacion...E treta si sja ndjeu njeriu per cmimin e naftes direkt gjith propaganda shteterore qe gjoja Po mbrojme qytetarin...

    Përgjigju
  • Fredi: 28/01/2019 15:48

    Nqse rriten cmimet atehere njerezit do detyrohen ti heqin te gjitha dhembët. Me mire si plakë pa dhëmbë sesa te te vjedhje dentisti! Keshtu plerat do ti hanë m....njerezise sepse nuk do te kenë më c fare cmimi te ngrene perderisa goja bosh pa dhëmbë do të jetë në modë. Keshtu plerat do te falimentojnë dhe do ti kthehen kazmës dhe lopatës!

    Përgjigju
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Përplasja me armë zjarri në Kallmet, Gjykata e Lezhës dënon me 6.6 vite burg ish kreun e Njësisë Administrative dhe 20 vite për Altin Markun

Përplasja me armë zjarri në Kallmet, Gjykata e Lezhës dënon me 6.6 vite burg ish kreun e Njësisë Administrative dhe 20 vite për Altin Markun

18 Janar, 08:54 nga Elvis Hila