Për prokurorinë, nuk është e besueshme dëshmia e të arrestuarit, Ardian Bitrajt i cili pretendon se ka vjedhur për 4 vjet 713 milionë lekë dhe më pas këto para i ka humbur ato në baste.  

Prokuroria dyshon se skemat e vjedhjes janë realizuar brenda 1 viti, ndaj është vënë në gjurmimin e të dyshuarve që kanë dalë jashtë Shqipërisë në 2 vitet e fundit për gjetjen e destinacionit të parave të vjedhura. Për këto qëllime janë duke u kërkuar pamjet e kamerave të sigurisë së Thesarit dhe informacione të tjera.