Samsung planifikon të prezantojë deri në gjashtë modele të ndryshme smartphone-sh të palosshëm gjatë vitit të ardhshëm.

Kjo mund të jetë përgjigjja e gjigantit të teknologjisë për të konkurruar me iPhone Duo, risinë e Apple që duket të ketë fituar terren.

Linja e planifikuar e Samsung përfshin Galaxy Z Slide, Galaxy Z TriFold 2, Galaxy Z Fold9 Ultra, Galaxy Z Fold9 Pro, Galaxy Z Fold9 dhe Galaxy Z Flip9, thuhet në disa postime në rrjetet sociale.

Gjenerata Galaxy Z e vitit 2027 pritet të jetë më e madhja për telefonat e palosshëm, me përmirësime në bateri, trashësi dhe peshë në të gjitha modelet.

Nëse ky plan i Samsung do të zbatohet, kompania do të shënojë një zgjerim të ofertës për pajisje me formate dhe karakteristika të ndryshme për segmente të ndryshme të tregut.