GREQI- 50-vjeçari shqiptar, i cili vrau kunatin e tij pas dyshimeve se ky i fundit i përdhunonte vajzën, është lënë në arrest shtëpie. Pas vendimit të dhënë ditën e sotme, familjarët e autorit shpërthyen në lot dhe në duartrokitje.

Në dëshminë e tij të dhënë në gjyq, 50 vjeçari shqiptar tha se nuk kishte dashur të vriste kunatin e tij Erion Pelivani, 33 vjeç por ta bënte të rrëfente se kishte përdhunuar të bijën që në moshën 9 vjeçare. Ai sqaroi se në momentin kur kishte ndjerë se viktima mund ta çarmatoste, kishte qëlluar instiktivisht pa menduar më gjatë. 

“Nuk kisha ndërmend të qëlloja askënd. E thirra atje për ta bërë të rrëfejë se ka përdhunuar vajzën time. Ai ishte sa trefishi im dhe nuk kishte frikë nga unë. Dhe nga frika që mund të më çarmatoste, e qëllova instinktivisht, pa menduar asgjë”, citohet të këtë thënë 50-vjeçari.

Të dy avokatët mbrojtës të të pandehurit, Alexis Kougias dhe Michael Vasilikos, u shfaqën të emocionuar në deklaratat e tyre për gazetarët.

" Ndihem mirë , ashtu si e gjithë shoqëria greke ndihet mirë," tha Alexis Kougias.

Në një prononcim për MEGA-n, bashkë-avokati i të akuzuarit, Michalis Vassilikos, i cili së bashku me Alexis Kougia kanë marrë përsipër mbrojtjen e 50-vjeçarit, deklaroi se autori i dyshuar nuk e pranon akuzën se ka ekzekutuar kunatin e tij me gjakftohtësi.

Ngjarja e rëndë ndodhi në qytetin Volos, Greqi. Tarellari vrau kunatin e tij, Erjon Pelivani, pasi e bija i rrëfeu përdhunimet dhe kërcënimet që viktima i bënte.50-vjeçari ka 3 vajza nga martesa e parë dhe një djalë nga martesa e dytë, ndërsa Pelivani ishte vëllai i gruas aktuale.

Familjarët e 50 vjeçarit shpërthejnë në lot pas vendimit

Rendit zhvillimet sipas orarit:
Ora 16:05
Greqi/ U la në arrest shtëpie për vrasjen e kunatit, vajzat e shqiptarit shpërthejnë në lot sapo gjykata shpall vendimin

Vajzat e babait shqiptar që vrau kunatin e tij Erion Pelivani në Greqi pasi abuzoi me vajzën e tij të vogël, kanë qenë të pranishme në sallën e gjyqit që po zvillohej për të. Të bijat shpërthyen në lot gëzimi pas vendimit të Gjykatës greke për ta lënë në arrest shtëpie 50-vjeçarin.

 

B.K/Shqiptarja.com

Ora 15:56
Vrau kunatin që i kishte përdhunuar vajzën që në moshën 9 vjeçare, lirohet nga qelia 50 vjeçari shqiptar në Greqi

1705330912_greqi.PNG

50 vjeçari shqiptar i cili vrau kunatin e tij 33 vjeçar Erion Pelivani pasi ky i fundit kishte abuzuar seksualisht me vajzën e vogël që në moshën 9 vjeçare, është lënë në arrest shtëpie nga gjykata greke në Volvos. 

Pas vendimit të dhënë ditën e sotme, familjarët e autorit shpërthyen në lot dhe në duartrokitje.

Të dy avokatët mbrojtës të të pandehurit, Alexis Kougias dhe Michael Vasilikos, që u vetëofruan për ta mbrojtur 50 vjeçarin shqiptar, u shfaqën të emocionuar në deklaratat e tyre për gazetarët.

" Ndihem mirë , ashtu si e gjithë shoqëria greke ndihet mirë," tha Alexis Kougias.

Siç raportojnë mediat greke, hetuesi dhe prokurori nuk ranë dakord për rastin e 50 vjeçarit dhe Këshilli Gjyqësor në Volvos do të vendosë për këtë çështje. Deri më atëherë, shqiptari i akuzuar për vrasjen e kunatit të tij do të jetë në arrest të përkohshëm shtëpie.

B.V/Shqiptarja.com