Barcelona ka nisur fazën përgatitore të sezonit të ri, teksa që në ditën e parë ka ndodhur një situatë komike, pasi rojet e sigurisë nuk kanë lënë një nga lojtarët të futej në kompleks, duke mos e njohur.

Nëse një ditë Pau Prim bëhet yll i Barcelonës, me siguri do të ketë një anekdotë të madhe se si ka qenë kontakti i tij i parë me ekipin e parë. Përgatitjet për sezonin e ri nisën sot në Barcelonë dhe i pari që u shfaq në takimin e parë të skuadrës ishte 17-vjeçari Prim , i cili u dërgua në qendrën stërvitore nga nëna e tij.

Rojet e sigurisë nuk e njohën të riun, i cili së fundmi luante në kampionatin evropian për U-17, ndaj nuk e lejuan të futej në qendrën stërvitore, por për këtë arsye kontrolluan në klub nëse Prim ishte vërtet i ftuar në përgatitjet e ekipit të parë dhe pas një përgjigje pohuese, i lejuan hyrjen në qendrën stërvitore që mban emrin e themeluesit të klubit, Joan Gamper.

Interesant është fakti se në vendngjarje kanë qenë edhe shumë gazetarë, të cilët kanë bindur rojet e sigurisë se Primi ishte vërtet lojtar i Barcelonës, por gjithsesi rojet e sigurisë preferuan të kontrollonin me klubin nëse kjo ishte e vërtetë.

Prim është një mesfushor-mbrojtës që konsiderohet si një nga lojtarët më të talentuar të brezit të tij në Spanjë. I riu, i cili shkëlqeu në Euro U17, është një nga të rinjtë e shumtë që trajneri i Barcelonës Xavi ka ftuar në stërvitje me ekipin e parë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera