POP 5

Lajmet më të lexuara të 5 minutave të fundit

Sociale

E DHIMBSHME/ Gruaja me nanizëm me lot në sy: Zot mos e provoftë njeri vuajtjen time! Dua një shtëpi, e të vdes rehat

Fati nuk është treguar bujar me vajzën që prindërit e pagëzuan me emrin Fati. Ajo ka lindur me nanizëm dhe ka vuajtur nëpër spitale. Tashmë në moshën 56-vjeçare, jeton vetëm me nënën e moshuar, e të sëmurë. Pensioni prej 20 mije lekesh eshte i pamjaftueshem, ndërsa banesa e rrënuar, rrezikon t’i zërë brenda. Përmes Report TV, Fati Cora, kërkon ndihmë për rindërtimin e shtëpisë!

Fati Cora nga fshati Labinot-Fushë në Elbasanit jeton në kushte të mjerueshme bashkë me nënën e sëmurë. 56-vjeçarja ka bërë një jetë të mundimshme. Ajo ka lindur me nanizëm, ndaj nuk ka mundur të krijojë familje.

Gjithë jetën është përkujdesur për nënën, e cila tashmë në moshë të thyer ka zënë shtratin. Nëpërmjet Report TV, Fati Cora, gruaja me nanizëm apelon për ndihmë.

“Aq keq jemi sa mos e provoftë njeri. S’kam parë kurrë një ditë të mirë”, tha ajo, -duke shtuar se dhe nëna është tejet e sëmurë- “lëviz me vështirësi”.

Pensioni prej 20 mijë lekësh në muaj është e vetmja e ardhur për nënë e bijë. Shtëpia është duke i zënë poshtë ndaj Fati, gruaja së cilës fati nuk i ka buzëqeshur deri më sot kërkon ndihmën e të gjithë shqiptarëve.

“Unë po mbeta pa ilaçe më ikën mendje. Vuajtje e madhe, nuk ia dalim dot”, shton më tej.

“I lutem gjithë shqiptarëve të na ndihmojnë, t’i hedhim një soletë shtëpisë, të vendosim dyer e dritare. S’dua asgjë tjeter, vetëm shtëpinë, e të vdes rehat”, - shprehet mes lotësh.

Ngjitur me banesën e tyre ndodhet ajo e vëllait të Fatit, i cili gjithashtu jeton në kushte të vështira ekonomike. Apeli për ndihmë shkon për të gjitha institucionet shtetërore dhe shoqatat e bamirësisë, që mund të ndihmojnë Fatin për të rindërtuar shtëpinë.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57