Taso çel në Pogradec ekspozitën e veçantë ‘Vizatime nga vendi i jetës’ me 74 vizatime

Piktori i njohur Anastas Kostandini ose Taso, siç e thërrasin të gjithë vjen me një ekspozitë të rrallë në galerinë e artit në Pogradec e cila do të qëndrojë e hapur deri më 22 korrik për artdashësit dhe turistët.  Janë 74 vizatime, punuar nga viti 1966 e deri në ditët e sotme. Ndër to, thotë piktori, ka pamje të qytetit që tashmë që nuk ekziston.

Kuratori Henri Shkurti zbulon pse ekspozita quhet “Vizatime nga vendi i jetës”. Po kështu janë ekspozuar monedhat e dizenjuara nga Piktori, por që nuk kanë dalë në qarkullim  para ‘90- tës.

"Ekspozita me vizatime e piktorit Anastas Kostandini është dëshmi e procesit të evolucionit të qytetit, e proceseve psikologjike të vetë artistit dhe perceptimit të tij ndaj natyrës dhe njerëzve. Është një hartë shpirtërore historike e qytetit, është një hartë antropologjike e qytetarëve të tij, është një dëshmi e talentit të Anastas Kostandinit si një vizatues rigoroz, i saktë, i përfshirë emocionalisht në gjithçka që e rrethon. Ai është rikrijuesi i kësaj bote të shpalosur përmes vizatimit që ofron për dashamirësit e artit të tij", vlereson studiuesi Luan Topçiu.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë