POP 5

Lajmet më të lexuara të 5 minutave të fundit

Drejt Punës

E ka trashëguar profesionin nga të parët e tij, njihuni me 80-vjeçarin që thur shporta si në kohë të vjetra

Zanatet e vjetra kanë ardhur gjithnjë drejt zhdukjes, por ka dhe prej atyre që i ushtrojnë në ditet e sotme. Nikoll Lazri nga fshati Troshan i Lezhës që në vegjëli e ka mësuar zanatin e thurjes me thupra e që prej asaj kohe ai nuk ka hequr dorë prej profesionit të tij. Report tv ka qenë në shtëpinë e të moshuarit dhe ka sjellë pak momente nga një ditë e zakonshme e 80-vjeçarit Lazri.

Shumë profesione janë zëvendësuar nga makineritë, por ka edhe nga ato të cilat janë të pazevendësueshme siç është edhe thurja e shportave me thupra, e atë e trashëgojnë vetëm pak njerëz në Shqipëri.

Një ndër ta është edhe 80-vjeçari Nikoll Lazri nga fshati Troshan i Lezhës. I moshuari realizon kosha të modeleve të ndryshme. Lazri zanatin e ka mësuar nga babai i tij që në moshë të vogël. Punishten e ka përshtatur në katin e dytë të banesës, ndërsa teknika që përdor për realizimin e koshave është krejt e veçantë. Lënda e parë janë thuprat që, siç tregon Nikolla, i merr në malin e fshatit. 

Unë bëj kosha buke, kosha perimesh. Po që në kohën e kooperativës kam bërë kosha duhani, por edhe kosha rrushi, në formë katrore. Si produkte përdor thuprat dhe shkozat, vetvetiu ka vështirësi, sepse duhen nxjerrë njëherë e më pas duhen pastruar duke i hequr degët...

Nikoll Lazri, Pensionist

Kërkesat për kosha nuk janë të shumta, por Nikolla i cili është pensionist është i kënaqur që siguron sadopak të ardhura për familjen e tij.

Kërkesat janë të pakta, një klient që kam këtu është bërë shkaktar i kësaj pune, kam edhe në Tiranë, por janë të pakta në numër. Unë pensionist jam, edhe ato pak të ardhura që nxjerr më mjaftojnë.

Nikoll Lazri, Pensionist

Familja Lazri është mjaft e apasionuar pas zanateve të vjetra. Edhe bashkëshortja e tij punon në tezgjah, profesion që e ka mësuar nga të parët dhe vijon ta ushtrojë edhe sot e kësaj dite.

Çifti Lazri mund të konsiderohen pa frike si simbol i ruajtjes së traditave, një shembull ky mjaft pozitiv për të gjithë shoqërinë tonë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Federik Ndoci rrëfen 'anën tjetër' të Parashqevi Simakut: Më përjashtuan nga koncerti, sepse ajo nuk donte të këndonte me mua

Federik Ndoci rrëfen 'anën tjetër' të Parashqevi Simakut: Më përjashtuan nga koncerti, sepse ajo nuk donte të këndonte me mua

19 Dhjetor, 12:07