POP 5

Lajmet më të lexuara të 5 minutave të fundit

E kryer! Milan kalon në duart e fondit 'Redbird', Elliot shet 70% të aksioneve për 1.3 miliardë euro

Skuadra e saposhpallur kampion në Itali, Milan, ka ndërruar pronësi, duke kaluar në duart e fondit amerikan të investimeve Redbird. 70% të aksioneve të djallit janë blerë te fondi Elliot për 1.3 miliardë euro.

Nga sot, edhe pse jo zyrtarisht, Milan mund të konsiderohet pronë e fondit amerikan të investimeve Redbirb. Pronari i kësaj kompanie, Garry Cardinale, ka ardhur këtë të martë në Milano dhe sipas të gjitha mediave prestigjioze në Itali ka firmosur marrëveshjen paraprake me fondin Elliot, që ka aksionet e klubit të Milanit që nga 2018.

Redbird ka blerë 70% të aksioneve të Milanit për shumën e 1.3 miliardë eurosh, duke mposhtur ofertën e bërë një muaj më parë nga kompania e Bahreinit ‘Investcorp’, që vendosi në pjatën e Singer 1.1 miliardë euro. Gjithsesi fondi Elliot do vijojë të jetë në pronësinë e Milanit me 30% të aksioneve, pasi pretendon se në të ardhmen klubi do të ketë një vlerë shumë më të lartë.

Zyrtarizimi i marrëveshjes është çështje ore ose maksimumi të mërkurën, ndërsa transferimi i aksioneve kërkon të paktën 2 muaj. Megjithatë Redbird thuhet se ka nisur nga puna, pasi më herët është takuar me drejtoin Maldini, i cili është në skandencë kontrate.

Redbird fillimisht kërkon konfirmimin e Maldinit, drejtorit sportiv Massara-s dhe administratorit ekzekutiv Gazidis. Fuqia e kompanisë së re që ka blerë Milanin fillimisht do tregohet me blindimin e Leaos dhe më pas me blerjet në merkato.

Redbird është fond amerikan që menaxhon rreth 6 miliardë dollarë kapital kryesisht në botën e sportit. Pritet që të vijojë strategjinë e Elliot me investime të qëndrueshme, profile me perspektivë të madhe dhe rritje graduale.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06