ANGLI- Një nënë është burgosur pasi e la foshnjën e saj vetëm në shtëpi, të mbyllur në një dhomë, në një temperaturë 27 gradë celsius, me një frakturë në kokë dhe pa u kujdesur për të. Nëna 35-vjeçare e pa përgjegjshme, gjatë kësaj kohe shkoi të bënte pazare dhe detyra të tjera.
Ngjarja ka ndodhur në qytetin Melksham të Anglisë ku Stacey Davis, 35 vjeç, e la të voglin Ethan Davisin, 1 vjeç në krevatin e tij për dy orë, në temperaturë të lartë në qershor të vitit 2018, pa dritare të hapura ndërsa ajo mori makinën e saj dhe shkoi të vizitonte disa dyqane.
Pasi u kthye në shtëpi, edhe për 30 minuta të tjera, nëna nuk shkoi në dhomën ku ndodhej 1-vjeçari, pasi po fliste me mesazhe me një mik të sajin. Kur 35-vjeçarja hyri në dhomë, e gjeti fëmijën pa shenja jete krevatin e tij. I vogli u dërgua në spital, por u shpall i vdekur pak më vonë.
Mësohet se 35-vjeçarja Davis kishte konsumuar vazhdimisht kanabis rreth djalit të saj 1-vjeçar.
Prokurori i çështjes tha po ashtu se një ekzaminim pas vdekjes gjeti një dëmtim të rëndë në kokën e foshnjës, një frakturë 15 cm në kafkë, por shkaku i vdekjes së Ethan mbeti i paqartë. Davis i kishte thënë policisë se djali i saj kishte rënë dhe goditi kokën, por pavarësisht ënjtjes, mavijosjes dhe problemit të dukshëm të voglit , ajo e kishte neglizhuar dhe nuk e kishte çuar djalin në spital.
“Çdo prind i arsyeshëm do ta kishte vënë re shqetësimin dhe do të kishte kërkuar ndihmë mjekësore”, tha prokurori.
Hetuesi mjeko-ligjor Nicola Anderson tha se kishte nivele të larta të kanabisit në flokët e Ethan-it, duke sugjeruar që Davis e kishte pirë drogën rreth tij rregullisht.
Avokati i mbrojtjes Mark Ashley tha se rasti i klientit të tij ishte një "shembull klasik i depresionit pas lindjes" dhe ajo kishte vuajtur probleme financiare dhe kishte luftuar për t'u lidhur me djalin e saj, i cili lindi para kohe me prerje cezariane dhe kërkoi menjëherë një operacion, duke rezultuar në një qëndrimi dy mujor në spital.
Ai tha se ajo kishte frikë ta çonte në spital me një dëmtim pasi shërbimet sociale e hoqën më parë nga kujdesi i saj për shkak të një këmbë të dyshuar të thyer, e cila më vonë u zbulua se nuk ekzistonte dhe ai iu kthye nënës së tij. 35-vjeçarja u dënua me dy vjet burg për mizori ndaj fëmijëve në Gjykatën e Kurorës së Salisbury, pasi më parë e kishte pranuar veprën penale.
Lajme të tjera
-
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Dronë misteriozë shihen mbi 3 baza amerikane në Britani
24 Nëntor, 07:41 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
VIDEO e ekzekutimit të Klaudio Prendit, qëllohet disa herë me silenciator sapo hipën në 'G Class'! Shoku polic ndoqi nga pas mjetin e autorëve, por i humbi
22 Nëntor, 09:34
-
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Kreshnik Spahiu: Përse më sheh shtrembër?
21 Nëntor, 16:39
-
Cilat vende e kanë ndaluar TikTok-un dhe pse?
20 Nëntor, 22:33
