POP 5

Lajmet më të lexuara të 5 minutave të fundit

Kronikë

E marta dita më e ftohtë e javës! Temperaturat -11 gradë Celcius, meteorologia: Parametrat e erës janë qetësuar (VIDEO)

Temperaturat e ulëta do të shoqërojnë kryeqytetin këto 10 ditë të para të muajit janar. Meteorologia Adiola Bami shpjegon për ReportTV se pavarësisht  rënies së intensitetit edhe gjatë ditës së sotme era do të vijojë të mbetet problematike ndërsa e marta do të rezervojë ditën  më të ftohtë të javës duke kapur vlerat -11 gradë celcius.

Era e fortë që përfshiu kryeqytetin dhe jo vetëm gjatë ditës së djeshme e që kapi vlerat deri në 80km/h, është shoqëruar dhe me temperatura të ulëta që kapin vlera negative.

Meteorologia Adiola Bani shpjegoi për Report Tv se ka një rënie të intensitetit të erës, por që edhe gjatë ditës së sotme era do të vijojë të mbetet problematike.

“Edhe sot vijon të mbetet parametri i erës problematik por që nuk do të jetë aq i fortë sa dita e djeshme, duke qenë se në ditën e sotme në det të hapur parametri i erës parashikohet që të arrijë shpejtësinë 65km/h dhe ndonjë episode i veçantë 70km/h. Krahasuar me ditën e djeshme është një rënie e ndjeshme e intensitetit. Gjatë ditës së nesërme do të kemi rënie të ndjeshme të parametrit të erës, jo vetëm në territor por edhe në det të hapur, kështu që nuk do të jetë problematike duke filluar që nga mëngjesi i nesërm dhe në vijim”-u shpreh meteorologia.

Përsa i përket temperaturave, meteorologia tregon se e marta do të shënojë ditën më të ftohtë të javës, duke kapur vlerat -11 gradë celsisus ne zona malore.

“Duke qenë se do të kemi rënie të temperaturave edhe ditën e nesërme, dita më e ftohtë për këtë javë do të jetë dita e martë ku kemi rënie të temperaturave në zonat malore ku vlerat minimale parashikohen ditën e nesërme  -11 gradë celsisus në zonat e thella malore. Po ashtu edhe zonat e ulëta do të jenë në vlera negative duke bërë që të zbresin deri në -3 gradë celsisus komplet pjesa e ulët e territorit shqiptar. Pjesa më e madhe e territorit do të jetë në vlera negative, ndërsa vetëm zona bregdetare do të jetë në vlera pozitive, 1 apo 2 gradë celsius ditën e nesërme”-tha Adiola Bani

Pavarësisht se muaji janar ka nisur si një muaj i ftohtë, gjatë 10 ditëshit të parë do të ketë mot të kthjellët dhe të qëndrueshëm. Por pritet sërish që gjatë 10 ditëshit të dytë të janarit të ketë episode me temperatura të ulëta.

G.M./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça