Mainz 05 është "shtëpia" e re Krkiç, prezantimi i të cilit u bë sot.
Ai zëvendëson Yunus Malli te ekipi i "karnavaleve" i cili firmosi për Wolfsburg pas një marrëveshje mes dy ekipeve kundrejt ofertës 12.5 milionë euro nga ana e "ujqërve".
Drejtuesit e Mainz shpresojnë që eksperienca e 26-vjeçarit Bojan Krkiç t'i ndihmojë atë në arritjen e objektivave të sezonit, pavarësisht se vitet e fundit forma futbollistike e Krkiç ka ardhur në rënie.
Bojan Krkiç shkëlqeu te Barcelona në fillimet e karrierës së tij. Me katalanasit ai siguroi dy tituj të Champions League, tre kampionate spanjolle dhe Kupën e Mbretit.
Pas Barcelonës ai u aktivizua me Milanin, Stoke City dhe Ajaxin e Amsterdamit. Mainz 05 është ekipi i 5 që Bojan ndërron në pesë vite.
Redaksia Online
l.q/Shqiptarja.com