POP 5

Lajmet më të lexuara të 5 minutave të fundit

Politikë

E motra iu arrestua për mashtrim, jep dorëheqjen nënkryetari i Bashkisë së Pogradecit, Johan Sterjo

Nënkryetari i Bashkisë së Pogradecit, Johan Sterjo ka dhënë dorëheqjen. Ky vendim i Sterjos vjen pasi e motra e tij, Viola Sterjo u arrestua për mashtrim.

E motra iu arrestua për mashtrim, jep dorëheqjen nënkryetari i Bashkisë së Pogradecit, Johan Sterjo

Johan Sterjo

POGRADEC- Nënkryetari i Bashkisë së Pogradecit, Johan Sterjo ka dhënë dorëheqjen. Ky vendim i Sterjos vjen pasi e motra e tij, Viola Sterjo u arrestua për mashtrim. Sterjo e ka depozituar dorëheqjen me datë 30 dhjetor me argumentin se do të largohet nga ky post për arsye personale. Gazetari i Report Tv, Armand Braho ka mësuar se posti i nënkryetarit i është propozuar Erion Veshos, por ende nuk dihet nëse ky i fundit do ta pranojë ose jo.

Johan Sterjo njëkohësisht është drejtor i Ujësjellësit në qytetin e Pogradecit prej vitit 2019. Në vitin 2021 ai zuri vendin e Bledi Çomos si nënkryetar i Bashkisë Pogradec duke mbajtur njëkohësisht dhe postin e drejtorit të ujësjellësit të Pogradecit.

Vendimi i Sterjos për t’u dorëhequr vjen pasi motra e tij, Viola Stejo u arrestua për mashtrim. 39-vjeçarj,  ish-punonjëse në administratë, u vu në pranga pak ditë më parë, pasi arriti t’i marrë 344 mijë euro 4 bizneseve në Korçë dhe Pogradec. Ajo arriti të mashtrojë bizneset duke shfrytëzuar pozitën e saj dhe njohjet në Ministrinë e Turizmit dhe Mjedisit, për të dalë garant tek subjektet se do të fitonin projekte nga AZHBR-ja, me vlera financimi nga 1 milionë deri në 4 milionë euro. Prokuroria e Korçës e hetoi gjatë Sterjon dhe bazuar në provat e deritanishme gjykata e ka lënë në burg.

Skema u zbulua pas 4 kallëzimeve. I pari ka ardhur nga një qytetar që kishte një pronë në Voskopojë dhe në të donte të ndërtonte një hotel. Ai përmes një të njohuri kishte takuar Viola Sterjon, e cila i kishte premtuar se do të ndërhynte tek AZHBR për të përfituar një grant. Fillimisht denoncuesi i ka dhënë Sterjos 57 mijë euro dhe 1.000.000 lekë.

Një tjetër denoncim është bërë nga një qytetar nga Pogradeci, sipas të cilit i ka dhënë Viola Sterjos në total 37 mijë euro për të ndërhyrë tek AZHBR që të përfitonte 1.2 milion euro grant për të ndërtuar një bujtinë. Denoncimi i radhës ishte i një korçari që i ka dhënë Sterjos 160.000 euro pas premtimit për nxjerrë fitues të grantit 2.2 milionë euro. Edhe pse i ka kërkuar lekët mbrapsht pasi nuk e kishte fituar projektin, 39-vjecarja i ka thënë se granti 2.2 milionë euro do të rritej dhe do të shkonte në 4.5 milionë euro.

Një tjetër qytetari i cili me dy ortakë do të ndërtonte një resort në Voskopojë Sterjo i ka marrë 90 mijë euro, duke e mashtruar se kishte bërë aplikim tek AZHBR për ndërtimin e resortit me vlerë 2 milionë euro. Nga totali 90 mijë euro, Sterjo i ka kthyer vetëm 20 mijë euro pasi ai kishte mësuar se në emër të tij nuk ishte bërë asnjë aplikim.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toni: 05/01/2023 18:39

    Ky eshte shteti putane i Rilindjes. Fytyra e vertete e ketyre plehrave.

    Përgjigju
    • Matilda: 06/01/2023 22:15

      Patronazhistet imazhi i rilindjes

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça