POP 5

Lajmet më të lexuara të 5 minutave të fundit

Sport

E nisën për kreun por janë të fundit, Gega: Jam optimist për Kukësin, kundër Teutës vetëm për 3 pikët

Trajneri i Kukësit Skënder Gega thotë se stërvitja e kësaj jave e bën optimist që skuadra të kalojë ngërçin e nisjes së sezonit. Ai shprehet se të premten kundër Teutës bëjnë punë vetëm 3 pikët, ndërsa edhe futbollistët e pranojnë se atmosfera në ekip nuk është ashtu si dëshirojnë.

Është nisur të dalë kampion, por Kukësi pas 3 ndeshjeve të parë në Superligë renditet i fundit. Një situatë aspak pozitive që verilindorët duan ta ndryshojnë të premten kur në ‘Niko Dovana’ në orën 17:45 të përballen me Teutën.

“Gjithmonë hyjmë me optimizëm dhe ato ndeshja që kemi lënë objektivi ka qenë i njëjtë. Unë jam optimist për aq kohë sa shoh ekipin në stërvitje dhe stërvitet mirë. Është mirë në fushë aspekte. Me Teutën gjithsesi do jetë një ndeshje e fortë pasi edhe ata kanë synimet e veta,”-u shpreh Skënder Gega, trajner i Kukësit.

Vetë futbollistët e pranojnë se nuk është kjo panorama që prisnin pas 3 ndeshjeve të para, por tani duan të fokusohen te Teuta.

“Atmosfera normalisht kur humbet nuk është e mirë, por ne futbollistët po mundohemi ta mbajmë ambientit siç duhet pasi ka edhe shumë ndeshje dhe është vetëm fillimi. Duhet të shohim para dhe kundër Teutës shpresojmë vetëm për fitore,”-tha Shqiprim Taipi, futbollist i Kukësit.

Teuta-Kukësi është ndeshja e parë e javës së katërt të Superligës, ndërsa katër sfidat e tjera do luhen të shtunën dhe të dielën.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa