E pabesueshme, ekipi gjerman aktivizoi 11 lojtarë me të njëjtin mbiemër

Historia e pabesueshme e SpVg Niederndorf II, ekipi i dytë i qytetit gjerman të Freudenberg, që luan në ligën amatore lokale të Gjermanisë. Në ndeshjen e luajtur kundër Littfeld II, për herë të parë në historinë e futbollit gjerman, u aktivizuan 11 lojtarë me të njëjtin mbiemër: Uebach. Por nuk mbaron me kaq. Gjithashtu trajneri, rezervat dhe drejtuesit kishin të njëjtin mbiemër. Nuk bëhet fjalë për ndonjë gabim apo shaka. Në listën zyrtare të paraqitur nga ekipi figuronin 20 persona me emrin Uebach.

Shpjegimi për këtë histori është i thjeshtë. Shumë lojtarë, natyrisht janë të afërm me njëri tjetrin, por Uebach është një mbiemër shumë i përhapur në këtë zonë, pasi këtu rrjedh lumi Uebach-Strasse, që historikisht i ka dhënë emrin e saj qindra familjeve që banojnë në këtë zonë.

Një histori e çmendur kjo e Niederndorf, e cila shënon një precedent shumë kurioz në historinë e ligës gjermane dhe një nga ngjarjet më argëtuese të të gjitha kohërave.

LEXO EDHE:
Presidenti Begaj vizitë në Urdhrin Sovran të Maltës, takohet me Fra' John Dunlap

Por bukuria e këtij tregimi u shkatërrua shpejt nga drejtësia sportive, e cila anulloi rezultatin përfundimtar 11-3, duke i dhënë fitoren në tavolinë ekipit tjetër për shkak se 4 Uebach (nuk dihet se kush ) ishin "huazuar" nga ekipi i parë , me të cilin ata kishin luajtur tashmë gjatë fundjavës. 

TAG:
• ekipi gjerman
• SpVg Niederndorf II
• Uebach

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.3%

• Jo

  73.2%

• Nuk e di

  7.5%

Vota total: 1049

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di