Një histori e pa dëgjuar më parë ka ndodhur në Greqi, ku protagonistë janë dy të mitur. Një 13-vjeçar dhe një 17-vjeçare.
13-vjeçari dyshohet se trafikonte emigrantë të paligjshëm me një makinë të vjedhur, për një shumë prej 350 eurosh, të cilën do t'i mblidhte për një linjë nga Kavalla në Selanik. Këtë e ka bërë të ditur e dashura e tij 17-vjeçare, e cila ishte pasagjere në mjetin në të cilin do të trafikonin emigrantët. Ajo ka kërkuar dhe flaje para hetuesve ditën e sotme kur ka rrëfyer ngjarjen.
Sipas mediave greke 17-vjeçarja më në fund është lënë e lirë me kusht që t'i jepet kujdestaria e të miturve, ndërsa i mituri tjetër, drejtuesi i mjetit 13-vjeçar është në kërkim nga autoritetet policore, pasi ka mundur të arratiset.
Ky rast i trafikut të paligjshëm të emigrantëve u zbardh nga policia e Selanikut, kur pasditen e së shtunës së kaluar një makinë që lëvizte në Egnatia Odos (në rrugë me pagesë Analipsi) u pikas me tre emigrantë nga Siria. Drejtuesi i mjetit, 13-vjeçari nuk ka ndalur në sinjalin e policisë, por ka vazhduar me shpejtësi dhe ka pasuar një ndjekje. Më në fund ai është përplasur me hekura mbrojtëse, për pasojë ka mbetur i plagosur lehtë njëri prej emigrantëve të paligjshëm.
17-vjeçarja është arrestuar në vendngjarje, ndërsa drejtuesi i mjetit ka braktisur makinën dhe është zhdukur. Duke kërkuar falje, ajo tha para hetuesve nuk dinte asgjë për transportin, ndërsa mjeti i përdorur, sipas saj, është i tezes dhe e kanë marrë pa pëlqimin e saj.
Oj bela, 13 vj…e dashura 17 vj…Hahahaha
Përgjigju