POP 5

Lajmet më të lexuara të 5 minutave të fundit

Sociale

E paprecedentë! Spitali i Durrësit bën gabim llogaritë e pagave, u kërkon shoferëve të ambulancave të kthejnë mbrapsht 120 mijë lek

Shoferëve të ambulancave në Durrës u është kërkuar të kthejnë mbrapsh 120 mijë lek (të reja) secili me pretekstin se janë paguar në vlerë më të lartë se sa parashikohet në vendim për periudhën Janar-Qershor 2024. Ata kundershtojnë urdhërin e Drejtorisë së Spitalit Rajonal, Durrës dhe kërkojnë zgjidhje nga Ministria e Shëndetësisë. 

Shoferët e auto-ambulancave të Spitalit Rajonal Durrës, ditën e sotme kanë ngritur shqetësimin për një sërë problematikash përsa i takojnë punës së tyre. Me një mbulim rajonal nga zona e Kepit të Rodonit deri pranë Malit të Robit, grupet e shoferëve të auto-ambulancave, të paguar më herët me rroga afërsisht prej 75 mijë lekë (të reja) u është kërkuar të kthejnë mbrapsht një pjesë të rrogës me pretekstin se janë paguar në vlerë më të lartë seç parashikohet ne vendim. Pagë kjo e cila u është dhënë vetëm për 8 orë punë, ndërkohë që këta të fundit  kanë punuar për 12 orë, pra 4 orë më shumë se orari zyrtar. Shuma e kërkuar është 120 mijë lek të reja për periudhën Janar-Qershor 2024. 

 Kërkesat e 10 shoferëve drejtuar Spitalin Rajonal të Durrësit dhe Ministrisë së Shëndetësise kanë rënë në vesh të shurdhët duke u thënë që të presin, ndërkohë që kanë kaluar disa muaj dhe tashmë përgjigja e vetme është: Duhet të ktheni paratë ose do të pushoheni nga puna.

"Ne kemi qenë në sistem 12 orar dhe na kanë kaluar në sistem 8 orar. Nga 70 mijë lek në muaj, sot marrim 50 mije lek në muaj. Na ka ardhur një email ku na thonë të kthejmë 120 mijë lek. Kjo është e padrejtë, ne presim rritje jo ulje page. Kërkojmë ndërhyrjen e Kryeministrit dhe të ministres së Shendetësisë", thanë ata.

Drejtuesi i Spitalit Rajonal Durrës, Ani Dyrmishi i kontaktuar nga Report tv, nuk ka pranuar të prononcohet në lidhje me shqetësimin e shoferëve të autoambulancave.

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49