KORÇË- Luiza Mullalli, 46-vjeç, nënë e tre fëmijëve është vrarë nga bashkëshorti i saj Gjergji Mullalli! Ngjarja e rëndë ka ndodhur mbrëmjen e sotme (29 korrik), në fshatin Zëmblak, në Maliq. Ka qenë i biri i viktimës i cili ka njoftuar në polici, pasi nuk e ka gjetur nënën e tij në shtëpi.
Trupi i 46-vjeçares u gjet i pajetë nga forcat e policisë në një gropë septike pranë banesës së saj, ndërsa autori i dyshuar, 55-vjeçari Gjergji Mullalli është shpallur në kërkim nga policia. Ende nuk ka të dhëna nga policia me se është kryer krimi, pasi po bëhet kqyrja e trupit, por nëna e viktimës tha për mediat, në kushte të rënda psikologjike, se bashkëshorti i saj mund ta ketë mbytur me çarçaf.
Arsyet e krimit të rëndë, po sipas nënës së 46-vjeçares ishin konfliktet mes çiftit të cilët ishin edhe në proces divorci. Ajo tha se Gjergji Mullalli pinte alkool. Autori i ngjarjes, sipas të njohurve cilësohet si i sëmurë psiqik, por që nuk ka kryer mjekim apo ekzaminim.
Megjithatë ende mbeten të paqarta rrethanat e vrasjes për policinë, pasi është errësirë dhe nuk mund të evidentohen gjurmët në terren. Policia do të rikthehet sërish mëngjesin e së dielës në vendngjarje për të mësuar dinamikën e ngjarjes. Ndërkohë pritet dhe ekspertiza mjekoligjore për te verifikuar shenjat në trupin e viktimës.
Renato Telha, trajner i djalit dhe mik i familjes së Luiza Mullallit, e cila u vra nga burri i saj Gjergji Mullalli, tha se ky i fundit mund ta ketë kryer krimin për shkaqe xhelozie. Sipas tij ai ishte i sëmurë psiqik.
‘Ka pasur probleme me familjen. Na tregonte se si shkonte i ati me të emës. Arsye xhelozie. Ishte i sëmurë psiqik. I thoshte kurojeni se nuk është mirë. Pinte shumë ay, kishte shqetësime. Se la një herë të vinte në garë. E zonja ishte një grua e mrekullueshme. Ishte i sëmurë, psiqik.’- tha ai.
Nëna e 46-vjeçares, Luiza Mullali, e cila u vra nga burri në Maliq, Gjergji Mullalli, ka shpërthyer në lot! Ajo thotë se autori është një kriminel që s’i vjen keq as për fëmijët e tij.
‘Kriminel, s’u vjen keq për fëmijët e tyre, u ka vrarë nënën’- thotë ajo me lot në sy.
Report Tv ka siguruar foton e Gjergji Mullalit, i cili vrau gruan pasditen e sotme në fshatin Zëmblak në Maliq. Ai është shpallur në kërkim nga policia.
Nëna e Luiza Mullallit, 46-vjeçares e cila u vra nga burri ditën e sotme në fshatin Zëmblak të Maliqit, tha se ai e ka mbytur vajzën me çarçaf. Në kushte të një gjendje të tronditur, nëna e 46-vjeçares tha se ai pinte alkool dhe se ishin në proces divorci.
‘Ka vrarë çupën. Në drekë ka ndodhur ngjarja! Vinte, nuk sillte as para asgjë. E kisha çupën trimëreshë e fortë. Thosha s’i tja bërë kësaj. Kanë dy çupa dhe një djalë. Si donte as fëmijët e tij. Ajo rrinte në shtëpinë e së ëmës. Ishin gati për divorc. Dje na foli! Sot në drekë kishte ardhur nga puna. Bëri atë që ka bërë. Ka qenë me dikë tjetër se vet nuk e bënte dot se ja hante gurmazin. E kisha trime, i merrte fëmijët i çonte rrobaqepësi e rregulluan shtëpinë. Ja çmë bëri! Çmë gjeti mua çmë gjeti! Po një çarçaf pashë atje lart se në kat të dytë rrinin. Mendoj se ka mbytur. S’ka qenë vetë! Turpi ky turpi na ka lënë.’- tha ajo.
Komente
Lajme të tjera
-
Korça feston Krishtlindjet, mbahet mesha në Katedralen ‘Ngjallja e Krishtit’
25 Dhjetor, 10:53 -
Fluks lëvizjesh në Kapshticë! Punohet me 6 sportele për të shmangur radhët dhe pritjet
24 Dhjetor, 14:29 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)
23 Dhjetor, 15:34 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën (VIDEO)
23 Dhjetor, 11:26 -
Korçë/ Hyri me forcë në bankën e nivelit të dytë mbrëmjen e së shtunës, arrestohet 38-vjeçari: Nuk mbaj mend gjë, isha i dehur (EMRI)
23 Dhjetor, 09:40 -
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur
22 Dhjetor, 12:34
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
-
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Korçë/ Shpërndanin kokainë në doza, arrestohen 4 persona, mes tyre një turk! Sekuestrohet 1 pistoletë, 57 gr kokainë dhe rreth 9 mijë euro
21 Dhjetor, 10:13 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49
Qenka nga fshati i Ilir Kulles, qe ben ekspertin neper studiot e Shqipetare. Ardhur ne vitet 90 ne Shijak dhe thote jam nga Shijaku, por preardhjen e kam nga Korca, ne fakt nga Zemblaku i Korces. Fshat me tradita te larta patriotike, liridashese, dhe bujar, perfshire ketu dhe vrasjet e grave. Mjere ne ky jetojme rrite femije aty po deshe.
PërgjigjuPushteti kriminel e ka çmendur popullin nga varfëria…!
Përgjigju