POP 5

Lajmet më të lexuara të 5 minutave të fundit

Periferi

E rrihnin se ishte çame! Fjalët e fundit të Bardhës: Policët talleshin me mua

Rrëfimi shokues i Fluturës, motrës së Bardha Likramës e cila u vetëvra pas 30 vitesh dhunë nga familjarët dhe bashkëshorti. Fjalët e fundit të Bardhës thënë motrës së saj për sjelljen e policëve me të, janë një denoncim ulëritës për institucionet tona dhe sjelljen e tyre ndaj njerëzve që kanë nevojë për ndihmë!

E rrihnin se ishte çame! Fjalët e fundit të Bardhës: Policët talleshin me mua

Motra e Bardhës flet me gazetarët: Do t’i tregoj të gjitha. Eshtë e sjellshme, e duruar, madje i kërkon ndjesë gazetarëve sepse nga tronditja harron apo përsërit diçka. Ka sjelljen e përulur të të gjithë shqiptarëve që dhunohen nga të tjerë shqiptarë, qofshin familjarë, qofshin fqinj, të afërm, shokë, kolegë, institucione. Flutura është ulur në divanin e shtëpisë së saj dhe tregon për motrën që nuk jeton më. Duket i njëjti divan i të gjithë shtëpive të shqiptarëve të thjeshtë. Bardha Likrama, motra e saj 52 vjecare që u hodh nga kati i tretë i pallatit ku banonte në periferi të Elbasanit, pas dhunës së ushtruar në 30 vite nga bashkëshorti dhe familjarët e familjes së tij, orët e fundit pas vendimit të vetëflijimit i kaloi sa në shtëpinë e Fluturës, sa në shtëpinë e saj: Ose do të ndahem, ose do të vras veten! Por ndërsa motra e luste të mos bënte veprime të nxituara, Bardha bëri dhe një hap tjetër: Shkoi në komisariat. Ja tregoi motrës, kishte qëndruar aty deri në 1 të natës dhe policët e kishin trajtuar si të ishte kriminele. “Policët talleshin me mua motra”, i tha Bardha, Fluturës, motrës së saj.

Dhe në fjalët e Bardhës gjejmë fjalët e qindra shqiptarëve të tjerë që kanë parë arrogancën e shtetit në përmasa gjigande mbi kurrizin e drobitur të tyre.

Vini re si flet një njeri i fortë në Shqipëri, si i rendit fjalët, si e ka tonin, vështrimin qëndrimin, zhurmën, fjalinë, veshjen dhe si flet Flutura, motra e Bardhës. Flutura rri e kërrusur, e zërin të butë edhe pse do të duhej të ulëriste sa më s’ka, dridhet ndërsa thotë dëshmi të tmerrshme: “E rrahin prej 30 vitesh, vjehrra, burri, vjehrri, kunata. Nuk e donin çame. Pse e ke marrë çame i thonin! Flinte në dysheme, I kanë thyer dhëmbët…”

Dhe për ta mbyllur gjithë kalvarin e Bardhës, nënës së tre fëmijëve, që rrihej e keqtrajtohej se ishte çame dhe kjo nuk u pëlqentë familjarëve të bashkëshortit të saj, u shfaqën policët, tallës, me siguri mosbesues, përçmues sepse në çdo konflikt shqiptar, gruaja është ajo që ka faj.

Ike Bardha, urojmë të rilindësh në një vend e familje që do të të dashurojnë pavarësisht origjinës, ngjyrës së lëkurës, gjinisë. Turpi për ne që të rrethuam, mbetet tepër i madh.

a.m./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46