E rruajnë, e rruajnë!

E rruajnë, e rruajnë!

Meta-Kryemadhi

Me një gjuhë skandaloze, në asamblenë e partisë së bashkëshortit të saj, zonja Kryemadhi i është drejtuar platesë, por edhe gjithë shqiptarëve se “Nuk e rruaj për SPAK-un”.

Është në vazhdën e një sulmi që i bëhet prej kohësh nga Berisha dhe Meta, SPAK-ut, me një terminologji që prek fundin dhe tregon shkallën e degradimit të opozitës në tërësi. Në sallë ashtu si te rrugica e Berishës u dëgjuan të qeshura dhe brohoritje. Janë ata që do drejtojnë administratën nëse kjo opozitë vjen në pushtet.

Dhe pastaj ne çuditemi pse gjuha e rinisë në jetën e përditshme ka degraduar më keq se ajo e meshkujve lapërdharë dikur; habitemi pse njerëzit nuk kanë respekt për policinë në rrugë apo pse kjo polici nuk është më e rreptë ndaj shkelësve të ligjit. Nuk kanë faj.

Tashmë shumica e shqiptarëve është rritur në kohë dhe ambient ku politika ka degraduar në të gjitha aspektet, përfshi atë edukativ; ku administrata është mbushur me kopje të këtyre politikanëve; ku arsimi është normale që ka degraduar përderisa arkitektët e tij ka qenë kjo klasë politike; ku shteti është sulmuar dhe trajtuar si leckë nga klasa politike.

Por a nuk e rruan vërtet politika nga kjo drejtësi? E rruan që ç’ke me të. Nëse prokurorët do kenë me të vërtetë ca më shumë sedër, i bën që ta rruajnë derisa t’u dali gjak. Ka pasur bota trima që nuk kishin frikë plumbin, por u është futur gjuha brenda para akuzave për korrupsion; ka pasur politikanë që kanë lëvizur miliarda dhe kanë përfunduar me ndihma sociale.

Vetëm tre ditë më parë Giancarlo Galan, ish-ministër i qeverisë Berluskoni dhe guvernator i Venetos, provincës që e ka GDP-në sa Greqia dhe Portugalia të marra së bashku, në një intervistë te “Corriere della Sera” tregonte sesi nga njeriu që kishte vila e komandonte miliarda, që me një të rënë të lapsit qëronte 50 milionë euro nga buxheti dhe i fuste në xhepin e tij, sot jetonte në një shtëpi në mal që ia kishte falur vëllai dhe nuk përfitonte as pension e as ndihmë sociale pasi prokuroria i kishte hyrë llogarive të tij dhe e kishte lënë në diell; sesi institucionet që kishte drejtuar e kishin hedhur në gjyq për prishje imazhi dhe merrnin dëmshpërblime; sesi e kishte lënë edhe gruaja dhe jetonte vetëm me një qen endacak e nuk kishte para as për një drekë në restorant.

Kështu që kur e rruante Berluskoni për drejtësinë dhe i shkoi jeta duke vrapuar që t’i ikte, këta tanët e rruajnë që ç’ke me të, se me rrogat që marrin nuk justifikojnë dot as një nevojtore, lëre pastaj të tjera. Puna është që a do mundet SPAK-u? Dhe kjo fillon që nga vënia përpara drejtësisë për fyerje të shtetit dhe personit zyrtar të atyre që e shajnë nga mëngjesi në darkë nga penxheret dhe hotelet e marra me qira. Pastaj keni për ta parë sesi do nusërojnë dhe ligjërojnë trimat e politikës. 

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • turi: 23/04/2024 11:05

    Nuk duhet te kete frike politika nga spaku (kane frike politikanet ne bote nga prokuroria?). Derisa SPAK-u te kete frike nga moshetimi i gjithekujt , vetem atehere do gezoj respekt nga kushdo dhe nga vete hajdutet. Dhe e kunderta duke pasur frike te hetoje ai luan rolin dhe merr atribute me te uleta se vete hajdutet te cilet i takon ti hetoje. Dhe para se te harxhoje burime per te hetuar ministrat e Ismail Qemalit eshte mencuri te hetoje dhe ruaj ata brenda gardhit qe jane afer molleve dhe dardhave dhe te kete kujdes mos cenoje balancen qe dikton pluralizmi.

    Përgjigju
  • Aliu: 23/04/2024 08:55

    Kur SPAKu të veprojë si në rastin e Galan në Itali! që ti sekuestrohen pronat, atëherë thuhet se SPAKu dhe Shteti po puno nëtë kundërten kështu dotë vazhdojë korrupsioni në këtë vend.

    Përgjigju
  • Ura: 23/04/2024 04:51

    Ua. Une u bera kaq dhe fjalorin halabak tironc e kam menu se e kam mesu prej Ed Rome me dialektizmat patetik e gangsterial te Doshit e Luces! Qekam kabu. Lilja me te shoqe Monike qoka nami....

    Përgjigju
  • emigranti: 22/04/2024 22:07

    Tamam! Varet se sa te vendosur jane Altin Dumani dhe te tjeret atje ne SPAK,se sa shpejt do i veje policia ne dere spiunit Mea-j apo kryetarit te bandes antishqiptare dhe dhenderrit te tij qw ligjerojne dhe tallen me Dumanin e me SPAKUN nga mengjezi,duke uleritur si hoxha maje xhamise atje ne papafingon e pallatit me shume penxhere...

    Përgjigju
  • Sondazhi i ditës:

    Hapësirat publike në bregdetin shqiptar, sipas jush janë:



×

Lajmi i fundit

'Kush e fiton Europianin?' Ja si u votua tek sondazhi i Shqiptarja.com

'Kush e fiton Europianin?' Ja si u votua tek sondazhi i Shqiptarja.com