TIRANË- Një i mitur 13 vjeç u gjet i pajetë brenda garazhit të familjes së tij në Babrru të Tiranës. Ngjarja e rëndë ndodhi pasditen e kësaj të mërkure dhe familjarët e gjetën të miturin e pajetë, të shtrirë përtokë pranë makinës rreth 1 orë pasi po e kërkonin. Fillimisht dyshohet se fëmija ka hyrë brenda në garazh, ka mbyllur derën dhe ka dashur të punojë në mjetin e dëmtuar. Tentativa e shpeshtë për ta ndezur edhe pse me baterinë difektoze ka mbushur ambjetin me substanca kimike. Dhe kjo mendohet të ketë ndikuar deri në asfiksi.
Më datë 19.07.2023, në Babrru, është gjetur nga familjarët, brenda automjetit në garazhin e banesës, pa shenja jete, një shtetas i mitur 13 vjeç. Paraprakisht dyshohet se vdekja është shkaktuar nga asfiksia", njofton policia.
Ka qënë vetë prindi, babai ai që denoncoi në polici dyshimet e tij rreth vdekjes së djalit. Ditë e fundit babë e bir kanë punuar bashkë të makina. Kur hyri në garazh u përball me një aromë të rëndë, dhe djali mund të jetë asfiksuar nga një reaksion që shkakton bateria e makinës. Garazhi, nga ana tjetër, sipas burimeve nga policia, ishte i mbyllur dhe i paajrosur, çfarë mund ta ketë rënduar gjendjen e djalit, deri në humbje jete.
Policia thotë përmes një njoftimi zyrtar se grupi hetimor po punon për sqarimin e rrethanave të ngjarjes, ndërsa është autopsia që do të përcaktoj të saktë shkakun e vdekjes së 13-vjeçarit, i cili u transportua në morgun e Tiranës.
Detaje të reja kanë dalë nga ngjarja në Tiranë, ku 13 vjeçari dyshohet se humbi jetën nga asfiksia. Familjarët në fillim nuk e kanë kuptuar se ku ishte, pasi e kanë kërkuar e kanë gjetur të shtrirë pa shenja jete në garazh, pranë makinës. E kishte mbyllur derën e garazhit, dhe ambienti ishte i pa ajrosur.
Gazetari i Report TV, Sokol Dema, zbulon detaje nga ngjarja e rëndë e ndodhur sot në mesditë në Babrru.
I mituri është gjetur jashtë makinës. Ai ka qenë bashkë me të atin sepse ngjitur kanë edhe një servis makinash. Mjeti ishte i prishur dhe nga hetimet paraprake dyshohet se është asfiksuar nga erërat e pajisjeve të makinës apo ndonjë reaksion baterie, pasi sipas të atit ishin duke hequr baterinë e mjetit.
I mituri është gjetur i pajetë nga familjarët dhe shumë detaje nga zhvillimi i ngjarjes pritet të sqarohen.
Komente
Lajme të tjera
-
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 3 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
Shpirti i tij ne parajse!
Përgjigju