Agjencia Kombëtare e Zonave të Mbrojtura anuloi urdhërin për pushimin nga puna të Drejtorit të Parkut Kombëtar të Divjakës, Ardian Koçi. Urdhëri i ri iu përcoll këtë të enjte zyrtarisht zotit Koçi nga drejtoresha e Përgjithshme e Agjencisë, Daniel Pirushi.
Zoti Koçi i tha Zërit të Amerikës se do të rikthehej në detyrë duke tërhequr një padi që kishte depozituar në gjykatën civile të Lushnjës, menjëherë pas urdhërit të parë të pushimit nga puna.
Zoti Koçi u njoftua më 22 shkurt për fillimin e një “ecurie disiplinore” nga Drejtoresha e Agjencisë së Zonave të Mbrojtura, u thirr para një komisioni disiplinor dy ditë më vonë dhe në mënyrë shumë të shpejtë më 3 mars iu njoftua përmes një shkrese të dytë ndërprerja e marëdhënieve të punës.
Në shkresën e parë të 22 shkurtit thuhej se "procedura disiplinore lidhet me prononcimin e dhënë për shtyp në mënyrë të përsëritur pa marrë miratimin nga Drejtori Përgjithshëm".
“Referuar edhe rastit të fundit të sinjalizuar ku ju keni dhënë një intervistë në median Zëri i Amerikës publikuar më datë 12 shkurt, për të cilën ju nuk keni njoftuar dhe nuk keni marrë një miratim nga eprori duke shkelur rregulloren e brendshme të institucionit” , thuhej në shkresën drejtuar zotit Koci.
Pas urdhërit të pushimit nga drejtoresha e Agjencisë zoti Koçi tha në një intervistë për Zërin e Amerikës, se u gjet një shkak qesharak për ndërprerjen e marëdhënies së punës.
Pas reagimit të zotit Koçi, në një intervistë për Zërin e Amerikës drejtoresha e Agjencisë, Daniel Pirushi tha se vendimi i komisionit disiplinor për pushimin nga puna të Drejtorit të Parkut Divjakë - Karavasta Ardian Koçi ishte në proces rishikimi pas kërkesës së Ministrisë së Turizmit dhe Mjedisit.
Disa nga organizatat kryesore mjedisore në Shqipëri, qindra mbështetës, profesorë të njohur dhe studiues të shkencave të natyrës kërkuan rikthimin në detyrë të zotit Koci duke e përshkruar atë si një model të përkushtimit dhe mbrojtjes së Parkut Kombëtar Divjakë-Karavasta gjatë dhjetë viteve që ishte në detyrë.
Nga ana tjetër shumë prej tyre shprehën nevojën e respektimit të së drejtës së shprehjes nga zyrtarët publikë sidomos atyre që menaxhojnë parqet natyrore pasi puna e tyre lidhet drejtëpërdrejt me mbrojtjen e kësaj pasurie dhe interesat e komuniteteve vendore./VOA
Komente
Lajme të tjera
-
Gazetari i Zërit të Amerikës, në listën e sanksioneve të reja të Rusisë
15 Mars, 22:14 -
Studiues e diplomatë komentojnë vizitën e Sekretarit Amerikan, Blinken, në Shqipëri: Dëshmon angazhim të madh në gadishullin ballkanik
14 Shkurt, 19:50 -
Dr. Elez Biberaj del në pension pas një karriere 43 vjeçare tek Zëri i Amerikës
21 Dhjetor 2023, 11:22 -
Pas 43 vitesh karrierë, gazetari i njohur i Zërit të Amerikës del në pension, Biberaj: Jam mirënjohës për mundësitë që më ka ofruar media
31 Tetor 2023, 12:15 -
Ndahet nga jeta gazetarja e njohur e Zërit të Amerikës, Rudina Dervishi
16 Shtator 2023, 17:34 -
Vetëm pak muaj pasi u riemërua jep dorëheqjen drejtori i Parkut të Karavastasë: Ishte e imponuar! Profesionalizmi im s’më lejon të punoj me këto kushte
6 Korrik 2023, 07:17 -
Amelia, me vegjët e familjes, po bën më shumë se një pëlhurë për Shqipërinë
20 Qershor 2023, 12:55
-
Intensifikohen luftimet në Sudan, SHBA evakuon personelin e Ambasadës
23 Prill 2023, 20:00 -
SHBA ngre akuza për veprime të fshehta policore në emër të Kinës në territorin amerikan
18 Prill 2023, 22:17 -
Drejtori i Parkut të Karavastasë u rikthye në punë, Berisha tregon arsyen e shkarkimit: Nuk firmosi për ndërtimet e oligarkëve
16 Mars 2023, 19:45 -
VIDEO/ Lavdëroi Parkun Divjakë-Karavasta në një intervistë, drejtori pushohet nga puna pse s’kishte marrë leje
9 Mars 2023, 18:31 -
Raporti i disa organizatave evropiane: Mjedisi mediatik në Shqipëri mbetet sfidues
9 Shkurt 2023, 19:55
Na mbeti //miku// misterioz pa vendin e premtuar te drejtorit!
PërgjigjuHajt, gjysma e se keqes. I jepet nje verejtje, po jo direkt shkarkim se te merr pagat ne gjykate, besoj.
PërgjigjuNjë centralizim i tillë burokratik as në monizëm nuk ka ekzistuar!
Përgjigju