E tmerrshme në SHBA, 3-vjeçarja humbet jetën e asfikuar në makinë në kohën që e ëma kujdesej për kanabisin

Një vogëlushe 3 vjeç nga Shtetet e Bashkuara ka vdekur, pasi e ëma e la për tre orë në veturën e nxehtë për t’u kujdesur për kanabisin që e kishte brenda një hapësirë të mbyllur.

Policia lokale deklaroi se e gjeti të miturën Jessica Campos të vdekur, pasi ishte lënë e vetme në veturë për dy orë e gjysmë ose tri orë. Në kohën kur policia arriti në vendngjarje temperatura brenda veturës ishte rreth 37 gradë, shkruajnë mediat ndërkombëtare.

Nëna e vajzës, Eustajia Mojica Dominguez, 28 vjeçe, është arrestuar për vrasje dhe raportohet se ka qenë duke u kujdesur për kanabisin, në kohën që vajza e saj po vdiste në veturë.

Policia tha se temperatura brenda veturës ka mundur të jetë e papërballueshme për fëmijën. Një polic iu përgjigj thirrjes për të shkuar në vendin e ngjarjes dhe ia dha ndihmën e parë. Jessica më pas u dërgua në spital, ku u shpall e vdekur.

Njësia Speciale për Narkotikë e policisë lokale zbuloi 70 bimë të rritura të marijuanës dhe 80 fidanë, po ashtu edhe 215 kilogramë kanabis të përpunuar.

TAG:
• SHBA
• kanabis
• droge