E vrau shpejtësia që kaq shumë e donte, reperi i njohur grek përplaset me shtyllën pasi po kthehej nga dasma e shokut, pas 2 orësh zjarrfikësit arritën ta nxirrnin trupin e pajetë

GREQI- I pëlqente shpejtësia, dhe ishte pikërisht ajo që e mori nga jeta, reperin e njohur grek, Mad Clip.

Aksidenti tragjik u shënua rreth orës 02:30 të mëngjesit të sotëm në Athinë, pasi 34-vjeçari po kthehej nga një dasmë nga e cila ka postuar edhe videot e fundit në rrjetin e ti social Instagram.

I lumtur për dy miqtë e tij, ai u largua për në shtëpi me mjetin e tij tip “Porsche” për mos t’u kthyer më asnjëherë.

Pamjet e aksidentit janë me të vërtet rrëqethëse. Makina, sikur të ishte karton pasi është përplasur me një shtyllë nga shpejtësia e madhe është palosur literalisht.

U deshën 12 zjarrfikës dhe 2 orë të plota për të nxjerr trupin e pajetë të reperit nga makina pas përplasjes fatale.

Miqtë të cilët e kishin parë vetëm 30 minuta përpara aksidentit nuk mund ta besojnë se ai nuk është më...

Reperi i njohur për shumë hite dhe punën e tij, së fundmi ka bërë edhe një bashkëpunim të suksesshëm edhe me këngëtaren me origjinë shqiptare Eleni Fureira, “Mporei”.

Instastory i Mad Clip nga dasma: 

 

J.GJ./Shqiptarja.com

TAG:
• greqi
• athine
• aksident me vdekje
• mad clip