POP 5

Lajmet më të lexuara të 5 minutave të fundit

Sociale

Lajme nga emisionet

E zhdukur prej 2 marsit të këtij viti, emisioni 'Pa Gjurmë' gjen adoleshenten korçare, tregon arsyet e largimit të saj nga shtëpia (BISEDA E PLOTË)

E zhdukur prej datës 2 mars të këtij viti, gjendet falë emisionit “Pa Gjurmë” në Report Tv adoleshentja korçare, V.H. Ajo u lidh me moderatoren Odeta Dume ndërsa tregoi dhe arsyet e largimit të saj nga shtëpia.

Gjendet një muaj pas zhdukjes adoleshentja nga Korça, V.H. e cila u kërkua pak ditë më parë nga i vëllai në emisionin “Pa Gjurmë”.

Në një video-call me moderatoren Odeta Dume, 15-vjeçarja tregoi arsyet e largimit nga shtëpia ndërsa ndodhej me të dashurin por nuk tregoi një vendndodhje të saj.

Ajo u shpreh se pas vdekjes së babait, kishte patur konflikte me të vëllanë, Serxhio Hoxhën ndërsa ishte detyruar që të merrte këtë vendim për t’u larguar pa gjurmë.

Odeta Dume: V… përshëndetje!

V.H: Përshëndetje si je ti?

Odeta Dume: Po çfarëa ka ndodhur, pse ke ikur kështu nga shtëpia dhe i ke bërë merak të gjithë?

V.H: Si erdhi vdekja e babait tim, unë e kisha pikë të dobët dhe vëllai më largonte. Dita-ditës më thoshte: “Ti nuk ke shtëpi këtu”. Ndaj unë e detyrova djalin që kam sot që të më merrte se nuk kisha ku të jetoja.

Odeta Dume: Ju keni bërë konflikte, debate me njëri-tjetrin?

V.H: Po, unë dita-ditës futesha gjithmonë në stres, e shqetësoja veten time me këto fjalë.

Odeta Dume: Por ti aktualisht në çfarë vendi ndodhesh?

V.H: Vendin s’mundem që ta tregoj!

Odeta Dume: Nëse ti je me një person që të do, përse ke frikë të tregosh vendin ku je?

V.H: Po se janë hapur probleme, janë bërë më të mëdha. I hap probleme edhe djalit që kam në krah. E dua shumë se më ka përkrahur në atë moment që s’kisha përkrahje prej asnjë njeriu. Në qoftë se shkoj në shtëpinë time dhe takoj vëllanë, a mbyllen këto muhabete?

Odeta Dume: Po sigurisht V... Ma jep fjalën që do shkosh tek vellai?

V.H: Ta jap fjalën si nënën time!

Gjithashtu gjatë bisedës foli edhe partneri i adoleshentes, i cili kërkoi që të tërhiqej denoncimi i bërë nga i vëllai në mënyrë që ai t’i kthente të motrën në shtëpi.

Odeta Dume: Përshëndetje!

Partneri i 15-vjeçares: Përshëndetje!

Odeta Dume: Unë nuk dua të të tremb, por thjesht fakti që kjo vajzë që ti mban në shtëpi kërkohet nga policia, edhe ti punët nuk i ke fort mirë.

Partneri i 15-vjeçares: Në qoftë se unë shkoj në polici e di që do jem brenda. Edhe brenda të shkoj për këtë vajzë, unë prapë nuk e lë. Se unë përderisa e mora, nuk e kam marrë ta lë rrugëve, por e kam marrë për shtëpi. Në qoftë se vëllai e tërheq denoncimin, do ta çoj në shtëpi.

Odeta Dume: Zoteri ... ke marrë një 15-vjeçare dhe dënohesh për këtë gjë. Është një vëlla që e ka motrën e humbur dhe ti e ke për detyrë të shkosh tek dera, t’i trokasësh edhe t’ja dorëzosh motrën. Dhe motra të flasë me vëllanë e më pas të vendosni se çfare do bëni. Por jo ti të vesh kusht: “Hiq denoncimin”.

V.H rezultonte e zhdukur që prej datës 2 mars të këtij viti. Ajo ishte larguar nga shtëpia pas vdekjes së babait ndërsa kishte braktisur edhe bashkëshortin e saj, me të cilin ishte martuar në një moshë të vogël, 13 vjeçe. Fatmirësisht pasditen e sotme (28 mars) ajo premtoi se do të kthehej në shtëpi dhe do të ribashkohej me të vëllanë i cili prej një muaji ishte në merak për fatin e saj.

K.M/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Të mbijetuarit e tërmetit në Mianmar pa ushqim dhe strehë ndërsa numri i viktimave rritet në 2700

Të mbijetuarit e tërmetit në Mianmar pa ushqim dhe strehë ndërsa numri i viktimave rritet në 2700

1 Prill, 10:31