VIP & Spektakël

Mësoni vendin e preferuar të familjes mbretërore, larg kamerave dhe fansave

Është një vend krejt normal...!

Familja mbretërore

Redaksia 3 Shtator 2019, 09:14 | Përditesimi: 3 Shtator 2019, 09:30

Duka dhe dukesha e Cambridge është një nga dyshet më të komentuara në rrjet. ‘The Mirror’ publikoi se Kate dhe William kanë një vend të preferuar ku kalojnë kohën e tyre të lirë bashkë me tre fëmijët Princeshën Charlotte, Princin George dhe Princin Louis , në lokalin e tyre të preferuar.

Ky vend quhet ‘Old Bood Inn’ dhe ndodhet në ‘Bucklebury’. Pronari i vendit tha : "Unë mendoj se ata pëlqejnë të vijnë këtu sepse njerëzit i lënë ata vetëm. Askush nuk i shqetëson ata ose i kërkojnë selfie".

Andre Claassen pronari i lokalit gjithashtu e përshkroi Princin William shumë miqësor dhe theksoi se Dukesha Kate i merr tre fëmijët për të luajtur. Claassen gjithashtu shpjegoi: "Kur George është këtu, ai preferon veshje kamuflazhi, pasi nuk ka qejf të shikohet nga të tjerët. Charlotte është shumë e bukur, luan në kopsht me vajzën e partneres sime Rebecca. Një herë lokali u mbush plot me turistë hollandezë dhe askush se dallonte që ata ishin një familje mbretërore pasi ata gjithmonë duken si një familje e zakonshme."

LEXO EDHE:
Princi William dhe Kate Middleton postojnë kartolinën e tyre të Krishtlindjes

Sipas pronarit, Pippa Middleton motra e dukeshës dhe burri i saj James Matthews apo prindërit e Middleton, Carole dhe Michael e preferojnë gjithashtu vendin. Edhe më parë familja mbretërore është parë të udhëtojë drejt destinacioneve të ndryshme për të kaluar kohë me njëri-tjetrin. Disa ditë më parë ata udhëtuan me një avion komercial duke u kujdesur për mos të rënë në sy të individëve të tjerë që ndodheshin në të.