Edhe dita e sotme do të jetë një ditë me temperatura të larta, ndërsa meteorologët njoftojnë se vala e të nxehtit që ka përfshirë vendin tonë do të tërhiqet gjatë mesnatës së sotme.

Tërheqja e valës së të nxehtit  mesnatën e sotme nga territori ynë do të sjellë një rënie të temperaturave nga 7 – 8 grandë celsius.

Ndërkohë ditën e sotme vendi do të vazhdojë me kthjellime në bregdet dhe në zonat e ulta, ndërkohë që në zonat malore lindore do të ketë vranësira kalimtare.

Edhe pse ka një  rënie të lehtë temperaturash, termometri edhe ditën e sotme pritet të shënojë 38-39 gradë celsius gjatë orëve të mesditës.

Redaksia Online
D.T/Shqiptarja.com