Për herë të parë kryeministri Edi Rama ka komentuar skandalin me çështjen Dajti, ku gjyqtarët i hoqën dënimin me burgim të përjetshëm për vrasjen e 4 policëve, pasi i pranuan gjykimin e shkurtuar.
Kryeministri i ka quajtur gjyqtarët njerëz të ligj dhe të korruptuar, por që nuk do të mund të shpëtojnë nga reformimi i sistemit gjyqësor.
"Kriminelë me kostum dhe me kravatë", i quajti ai më tej, teksa tregoi vendosmëri se qeveria nuk do të ndalet në betejën që ka nisur edhe ndaj këtij vendimi skandaloz ku deri më tani është kërkuar shkarkimi i gjyqtarëve.
![](https://shqiptarja.com/template/img/NO_ALFA_Kuadrate shqiptarja.png)
"Njerëz të ligj dhe të korruptuar të cilët nuk janë vetëm ata po janë plot që duke parë se ju ka ardhur fundi në sistemin e drejtësisë po i bien me top. Po kryejnë një akt kriminal, se faktikisht i rivranë 4 policët. Ne nuk do ti ndahemi kësaj çështje që ta zhbëjmë duke bërë të gjithë presionin e nevojshëm por edhe këta gjykatës besoj nuk do t'ja dalin të shpëtojnë kaq lehtë
Më ka ardhur keq për atë që ka ndodhur por nga ana tjetër janë gjëra që nuk më çudisin sepse ne kemi ndërmarrë një reformë të thellë si askush nuk e ka menduar për të pastruar kancerin nga gjithë organizmi i sistemit tonë të drejtësisë duke shkulur nga trupi i sistemit tumore dhe metastaza", u shpreh kreu i qeverisë.
Përpara se të arrestohej në vitin 2009, Dajti i pati shpëtuar disa herë arrestimeve, por në publikimet e kabllogrameve Wikileaks, ngrihen dyshime të forta se këtyre arrestimeve, Dajti u ka shpëtuar me ndihmën e Agron Kuliçajt, ish drejtorit të policisë së shtetit në qeverinë Berisha dhe më herët ish truproja personale e ish Kryeministrit. Këtë detaj të publikuar edhe një ditë me parë në Shiptarja.com e përmendi edhe kryeministri Edi Rama në fjalën e tij gjatë takimit me banorë të Rrëshenit.
"Drejtësinë e drejtë e kanë penguar politikanë dhe prokurorë si këta. Më akuzojnë se Dritan Dajti kishte lidhje me mua, ndërkohë që që në kabllogaramët dhe raportin e ambasadës amerikane është e shkruar se vrasësi është i lidhur me Saliun. Këtu kthehen përmbys dhe zien kazani çdo natë me gjithfarë shpifjesh dhe monstruozitetesh duke dashur të dëshpërojnë njerëzit. Këta njerëz kriminelë me kostum dhe kravatë nuk ndalen sepse janë mësuar 30 vjet të bëjnë të njëjtën gjë duke vjedhur qytetarët, rivrarë të vrarët dhe përdhunuar vajza të reja.
Reformën e kemi bërë me shpejtësi të madhe por çdo gjë ka kohën e vet. Një shtet i së drejtës nuk mund të ndërtohet sa hap e mbyll sytë. Vetingu po largon peshkaqenë nga ky sistem. Në këtë fazë reforma është pastrim dhe ndërtim i sistemit të ri, do merret me ta dhe me këdo", - tha Rama.
Ministrja e Drejtësisë, Etilda Gjonaj i kërkoi zyrtarisht Këshillit të Lartë Gjyqësor të nisë hetimin disiplinor për pesë gjyqtarët e Apelit të Krimeve të Rënda, të cilët më 8 shkurt të këtij viti shpëtuan Dritan Dajtin nga burgu përjetë dhënë nga Gjykata e Krimeve të Rënda në Tiranë.
5 gjyqtarët pranuan kërkesën e Dajtit për gjykim të shkurtuar duke vendosur ta dënojnë me 25 vite burgim.
Dritan Dajti është gjetur fajtor për vrasjen e katër policëve në gusht 2009 në Durrës, dhe është dënuar me burgim të përjetshëm.
5 gjyqtarët për të cilët është kërkuar të shkarkohen
Fuat Vjerdha, kryetar i Gjykatës së Apelit në Shkodër
Lindita Hoxha gjyqtar në Gjykatën e Apelit Shkodër
Aleks Nikolli, gjyqtar në Gjykatën e Apelit Shkodër
Petrit Aliaj gjyqtar i Apelit në Vlorë
Skënder Damini, gjyqtar i Apelit në Vlorë
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Paska ber komente vetem fred buc ..t gjitha komente ketu i ka ber fredi ka ndryshuar vetem emer
PërgjigjuPaska ber komente vetem fred buc ..
PërgjigjuHe po ben loj ku kan b**h gjygjtart ti ulindin denimin pa urdherin tend po arben frrokut si e bere si loj e lirove e cove me i dhen azil politik a ti kujto se poplli esht budalla ate ate ne kohen e sali berishes mori burgim perjet Pse tani i ulet denimi apo ti dhe 20 vjet po te rrish ne pushtet dhe pas 20 vjetsh prap do thush e ka fajin ai po u bere 6 vjet ca bane vec vjedhe lirove gjith kriminelet vraferove popllin e thu fajn e ka saliu po ti ca ban ka 6 vjet lesht ti ke msuar si ato djemt si spunojn dhe gjithmon thon fajn e ka babi ska punu me me lan rehat mu si te basha qef hik mor se paske qen me te vertet super psikopat
PërgjigjuNë G.. të sëmës të venë të gjithë këta "Kriminelë me kostum edhe me kravatë" se e ngordhen këtë vend të shenjtë KM! Të shtunën mos shko në Vlorë se do humbasësh shumë pikë
Përgjigjuz.kryeminister.ku qendron ndryshimi midis d.dajtit dhe djalit rrugac(se nuk ja di emrin)te luiza xhuvanit.ai madje vrau 5 vet.njeher nje dhe pas nje viti 4 vete ne nje Sekond.edhe atij u be gjykim i shkurtuar dhe ti ne vend qe te qaje viktimat te vinte keq per lotet aktoreske te l xhuvanit.ligji duhet te Jet nje dhe i barabart per te gjith.
Përgjigjuke shum të drejtë,vrasesit janë njesoi,si Dajti edhe Gjuvani,drejtesia nuk eshtë njesoi per te gjithë,skandaloze
Shum dinjitos z. Kryeministër. Taksirat e ke me na qeveris edhe 4 vjet.
PërgjigjuDiss
Dhe 3 mandate thuaj ta kemi sa malet