POP 5

Lajmet më të lexuara të 5 minutave të fundit

Kultura

Edicioni i 20, Korça mirëpret festivalin e monodramës “Albamono’, 7 vepra në 7 ditë nga aktorë e regjisorë të huaj

Këtë të enjte ka nisur edicioni i 20-të i festivalit ndërkombëtarë të monodramës në Korçë edhe në Maliq i titulluar  “Albamono”. Për 7 ditë me radhë publiku vendas por, jo vetëm kanë mundësi të ndjekin nga afër shfaqje të ndryshme me tematika aktuale historike, me aktor shqiptarë edhe të huaj.

Për të 20-tin vit radhazi në Korçë dhe në Maliq kanë mbërritur trupa teatrore nga disa vende të Evropës për festivalin Ndërkombëtar të Monodramës “Albamono”. 7 vepra do të prezantohen për publikun përgjatë 7 ditëve të festivalit.

Pjesëmarrës në këtë festival të veçantë të monodramës janë aktorë të ndryshëm nga Italia, Turqia, Spanja, Bullgaria, Greqia dhe Polonia të cilët konkurrojnë për çmimin e shfaqjes më të mirë.

Drejtori i Festivalit Festim Tomorri tha se përpos çdo vështirësie për të sjellë këtë festival, ja dolëm që ta sjellim atë në vitin e 20.

“Ky është viti i 20 që bëjmë festivalin, do vijm me shfaqjen e sotme që është një bashkëpunim shqiptaro në Itali, bashkë me një ukrainëse. Është shfaqje shqiptare ne fakt, shfaqje burrneshe”, tha Festim Tomorri - Drejtor i Festivalit

“Është një rrëfim shumë i thjeshtë, por edhe interesantë sepse i ndërtuar jo vetëm me tekst, por edhe me video, muzikë live, kërcim”, u shpreh Valbona Xibri regjisore.

Edhe aktorët e regjisorët që vijnë nga shtetet e  tjera tregojnë emocionet në këtë pjesëmarrje.

"U ndjeva shumë mirë, kënaqësi për mua të vij në këtë festival. Jam për herë të dytë dhe falënderoj gjithë organizatorët sepse e kanë organizuar shumë mirë. Njerëzit janë interesantë, Korça është e bukur, më pëlqen edhe roli. Kjo performancë është e veçantë, si një sfidë për një aktore që të bëjë këtë rol si një vajzë që luan një burrë”, tha aktorja Maryna Ivashchenko.

Festivali i përvitshëm Albamono, i themeluar nga artisti i shquar Dhimitër Orgocka, pritet që të përfundojë në 26 Qershor, në ditën kur do të ndahen dhe çmimet për regjinë, aktorin dhe monodramën më të mirë.

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu