Franca është finalistja e parë e Kupës së Botës “Rusi 2018” dhe kjo është kryefjala në emisionin “Botërori +” në Report Tv. Eduard Prodani, i ftuari i përhershëm, e ka krahasuar Francën me Italinë…
Për mendimin tim, Franca është bërë si Italia, duke u pjekur. Me këtë dua të them, që Franca luajti në gjysmëfinale më e pjekur, me idenë që duhet fituar patjetër dhe nuk ka rëndësi se si vjen.
E natyrshme që do të vinte nga një episod ose dy. Gjysmëfinalja ndaj Belgjikës ishte shumë e bukur edhe për faktin se ishte kundërshtari në nivel të mirë. Ndeshja mund të kishte përfunduar edhe në barazim, por pikërisht kjo i jep merita Francës, që në fund diti ta menaxhojë avantazhin ashtu siç bënte Italia dikur.
Eduard Prodani
Komento
