POP 5

Lajmet më të lexuara të 5 minutave të fundit

Opinion

Eduard Zaloshnja: 100% të sigurt të huajt, 83% vendësit

Nuk është zhvilluar ndonjë sondazh rigoroz opinioni me vizitorët e huaj në Shqipëri, por statistikat faktike tregojnë se ata kanë qenë 100% të sigurt këtu në 18 muajt e fundit – asnjë nuk është plagosur si rezultat i ndonjë vepre penale

Eduard Zaloshnja: 100% të sigurt të huajt, 83% vendësit

Tiranë (foto arkiv)

Nuk është zhvilluar ndonjë sondazh rigoroz opinioni me vizitorët e huaj në Shqipëri, por statistikat faktike tregojnë se ata kanë qenë 100% të sigurt këtu në 18 muajt e fundit – asnjë nuk është plagosur si rezultat i ndonjë vepre penale!

Ndërsa për banorët vendas ka sondazhe opinioni rreth sigurisë së tyre personale. Më i fundit ishte ai që zhvillova në fundjavë në kuadër të Barometrit për Opinionin mbi Policinë e Shtetit, nga i cili rezultoi se plot 83% e banorëve të rritur të Shqipërisë ndihen të sigurt ose shumë të sigurt kur ecin vetëm në lagje/fshat pasi është errësuar.

Krahasimisht, në Uashington vetëm 31.2% e banorëve të rritur ndihen të sigurt ose shumë të sigurt kur ecin vetëm në lagje pasi është errësuar, në Berlin vetëm 39.5%, në Romë vetëm 41.3% dhe në Londër vetëm 47.5%.

Po mes zonave të ndryshme në Shqipëri, a ka diferenca?

Banorët e qarqeve në jug të Shkumbinit perceptojnë një nivel disi më të ulët sigurie personale – 81.5% e tyre ndihen të sigurt ose shumë të sigurt kur ecin vetëm në lagje/fshat pasi është errësuar, teksa mesatarja e vendit është 83%. Sidoqoftë, diferenca është brenda marzhit të gabimit statistikor të sondazhit.

Po mes gjinive në Shqipëri a ka diferenca?

Si kudo në botë, femrat shqiptare perceptojnë një nivel më të ulët sigurie personale – 80.7% e tyre ndihen të sigurta ose shumë të sigurta kur ecin vetëm në lagje/fshat pasi është errësuar, teksa 85.3% e meshkujve ndihen të sigurt.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat

Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat

25 Dhjetor, 14:55