POP 5

Lajmet më të lexuara të 5 minutave të fundit

Opinion

Eduard Zaloshnja: 70.5% opinion pozitiv për Qeverinë dhe PD-në, por vetëm 19.5% e votave për partitë e vogla

Nga një sondazh që zhvillova për “Frontline” në Report TV, rezultoi se 42.4% e zgjedhësve të prirur për të votuar këtu dhe në emigracion kanë opinion pozitiv për punën e qeverisë në përgjithësi.

Eduard Zaloshnja: 70.5% opinion pozitiv për Qeverinë dhe PD-në, por vetëm 19.5% e votave për partitë e vogla

Nga një sondazh që zhvillova për “Frontline” në Report TV, rezultoi se 42.4% e zgjedhësve të prirur për të votuar këtu dhe në emigracion kanë opinion pozitiv për punën e qeverisë në përgjithësi. Nga ana tjetër, 28.1% kanë opinion pozitiv për mënyrën sesi po proteston PD-ja. Pra në total, vetëm 70.5% e zgjedhësve të prirur për të votuar këtu dhe në emigracion kanë aktualisht opinion pozitiv për Qeverinë dhe për PD-në.

Por sa vota do të merrnin PS-ja dhe PD-ja në qoftë se do të votohej sot?

50.3% e vetëm zgjedhësve të vendosur për të votuar qysh sot këtu dhe në emigracion do të votonin për PS-në. Nga ana tjetër, 30.2% do të votonin për PD-në. Pra në total, plot 80.5% e zgjedhësve të vendosur për të qysh sot këtu dhe në emigracion do të votonin për dy partitë e mëdha, dhe vetëm 19.5% për partitë e vogla (të vjetra e të reja).

Sidoqoftë, ka ende shpresë për partitë e vogla – sepse vetëm 90% e zgjedhësve të prirur për të votuar këtu dhe në emigracion e kanë ndarë mendjen qysh sot se për kë duan të votojnë. Pra, 10% e tyre ende nuk kanë vendosur se për kë duan të votojnë. Dhe shumica e këtyre të pavendosurve nuk kanë opinion pozitiv as për Qeverinë, e as për PD-në.

Në qoftë se partitë e vogla ua mbushin mendjen të pavendosurve në muajt në vijim, që të votojnë për to, pesha specifike e tyre në totalin e votave do të rritet. Përndryshe, partitë e vogla do të fitojnë vetëm një numër minimal mandatesh ndër 140 mandatet e Kuvendit të Shqipërisë…

SHËNIM: Me përafërsi jo precize, nqs do të ishte votuar sot, PS-ja do të merrte 3/5 e mandateve parlamentare, PD-ja 1/3, dhe partitë e vogla do të merrnin kusurin.

Rezultatet e sondazhit, për pyetjen se cilën parti do votonin nëse zgjedhjet mbaheshim më 17 tetor 2024

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34