POP 5

Lajmet më të lexuara të 5 minutave të fundit

Opinion

Eduard Zaloshnja: Berisha dhe shtatë “xhuxhat” elektoralë

Në sondazhin e fundit që zhvillova për Report TV këtë sezon, grafiku i fundit vlente sa një mijë fjalë! Ai tregonte se gjysma e zgjedhësve të këtushëm të vendosur për të votuar qysh sot ishin gati t’ia jepnin votën partive opozitare. Por ka një problem.

Eduard Zaloshnja: Berisha dhe shtatë “xhuxhat” elektoralë

Foto nga studio e Repolitix

Në sondazhin e fundit që zhvillova për Report TV këtë sezon, grafiku i fundit vlente sa një mijë fjalë! Ai tregonte se pothuaj gjysma e zgjedhësve të këtushëm të vendosur për të votuar qysh sot ishin gati t’ia jepnin votën partive opozitare. Por problemi ishte se votat shpërndaheshin në shumë parti opozitare (shihni grafikun e mëposhtëm).

 

PD-ja e Berishës është “Borbardha” opozitare në grafikun e mësipërm, me 28.8% të votave të zgjedhësve të këtushëm të vendosur për të votuar qysh sot. Dhe përkrah ka të paktën 7 “xhuxha” elektoralë, që nuk shkojnë mirë as me njëri-tjetrin e as me “Borëbardhën”. Kështu, “xhuxhi” më i madh është PD-ja e Bashës me 7.4% të votave, por një aleancë mes Berishës dhe Bashës nuk duket në horizont. Sidoqoftë, edhe nëse një aleancë e tillë ngjizet, përqindja e përkrahësve të Bashës do të bjerë, sepse shumica e tyre janë anti-berishistë…

“Xhuxhi” i dytë më i madh është PL-ja e Metës, me 3.9% të votave. Një aleancë e tij me Berishën është më se e mundshme (si vjet më 14 maj). Por së bashku ata marrin vetëm 32.7% të votave…

“Xhuxhët” e tjerë elektoralë janë përmbledhur në zërin “Parti të tjera”, ku përfshihen PSD-ja e Tom Doshit, PDIU-ja e Shpëtim Idrizit, PAA-ja e Agron Dukës, “Mundësia” e Agron Shehajt, “Shqipëria Bëhet” e Adriatik Lapajt, etj. etj. Dhe shumica e këtyre “xhuxhëve” të tjerë duket se e kanë ndarë mendjen që të mos bëjnë aleancë as me Berishën, as me Metën, e as me Bashën. Sepse përndryshe, elektorati i tyre mund të firojë goxha…

Me pak fjalë, megjithëse Berisha dhe 7 “xhuxhat” elektoralë mund të marrin pothuaj gjysmën e votave të këtushme (duke garuar veç e veç), mezi do të arrijnë të marrin 60 mandate me sistemin aktual elektoral. Dhe 80 mandatet e tjerë do t’i mbeten PS-së…

SHËNIM: Në zgjedhjet parlamentare të prillit 2021, PS-ja mori vetëm 48.7% të votave të vlefshme në rang vendi, por falë sistemit elektoral, siguroi 74 mandate. Në qoftë se PD-ja do kishte qenë atëherë e ndarë në dy pjesë të papajtueshme me njëra-tjetrën, PS-ja mund të kishte siguruar deri në 80 mandate.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15