POP 5

Lajmet më të lexuara të 5 minutave të fundit

Opinion

Eduard Zaloshnja: Beteja pa garë (deri më sot) në jug të Lumit të Tiranës

Nga Lumi i Tiranës deri në Konispol, është 5.5 me 4.5 raporti i votuesve të vendosur të mazhorancës ndaj atyre të opozitës (6 me 4 në Tiranë).

Eduard Zaloshnja: Beteja pa garë (deri më sot) në jug të Lumit të Tiranës

Foto ilustruese

Nga Lumi i Tiranës deri në Konispol, është 5.5 me 4.5 raporti i votuesve të vendosur të mazhorancës ndaj atyre të opozitës (6 me 4 në Tiranë).

Në territorin e 44 bashkive që shtrihen në jug të Lumit të Tiranës, gara në zgjedhjet e prillit 2021 foli në mënyrë bindëse në favor të partive të mazhorancës (PS+PSD), krahasuar me PD-AN (PD+PDIU+PR+PAA+PBDNJ+LZHK+PDK). Vetëm në Devoll, partitë e mazhorancës morën në prill 2021 më pak vota se sa PD-AN.

Në katër bashki të tjera (Pogradec, Korçë, Mallakastër e Kavajë), partitë e mazhorancës morën më shumë vota se sa PD-AN, por nuk e arritën dot 50-përqindëshin, ngaqë u futën si pykë në mes LSI dhe ca partiza të tjera të vogla (shihni dy tabelat shoqëruese).

Po si paraqitet aktualisht situata elektorale në 44 bashkitë në jug të Lumit të Tiranës? Një sondazh kombëtar që zhvillova në janar me pothuaj 5700 të anketuar nga i gjithë vendi mund të na japë një ide.

Rreth 4500 ndër të anketuarit ishin banorë të rritur të këtyre 44 bashkive – jo mjaftueshëm për të llogaritur rezultate domethënëse statistikisht për secilën bashki më vete (përveç Tiranës). Sidoqoftë, në tërësi mund të llogariten rezultate përgjithësuese për gjithë pjesën e vendit në jug të Lumit të Tiranës.

Numri i të anketuarve në jug të Lumit të Tiranës të prirur të votonin për kryebashkiakë socialistë ishte në raport pothuaj 5.5 me 4.5 me të anketuarit e prirur për të votuar kryebashkiakë opozitarë të Berishës apo të Alibeajt (në Bashkinë Tiranë raporti ishte pothuaj 6 me 4). Gjë që parashikon probleme më 14 maj për opozitën në bashkitë poshtë Lumit të Tiranës (përveç Devollit, ku PD-AN siguroi më shumë vota se sa PS+PSD, pa ndihmën e LSI-së).

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Simon Hadaj: Çfarë di Dumani që e tmerron Sali Berishën?

Simon Hadaj: Çfarë di Dumani që e tmerron Sali Berishën?

22 Dhjetor, 18:11 nga Simon Hadaj