POP 5

Lajmet më të lexuara të 5 minutave të fundit

Opinion

Eduard Zaloshnja: Donaldi s'do ta pranojë humbjen, nëse humbet…

Roy Cohn, juristi famëkeq njujorkez që e ndihmoi Donaldin e ri në vitet ‘70-’80 të kalonte nga tregu modest i ndërtesave të lagjes Queens, në atë luksoz në Manhattan, i dha tre këshilla dishepullit të tij: Gjithnjë kundërsulmo, akuzoji të tjerët pikërisht për atë që të akuzojnë, dhe kurrë mos prano dështim.

Eduard Zaloshnja: Donaldi s'do ta pranojë humbjen, nëse humbet…

Kur shkova në Atlantic City në fillim të viteve ’90, tre hotele-kazino me emrin Trump në përbërje ma tërhoqën vëmendjen: Trump Plaza, Trump Castle dhe Trump Taj Mahal (shihni fotot më poshtë). 

Ishin vërtet godina madhështore, edhe nga jashtë, edhe nga brenda. Por pas disa vitesh, emri Trump u hoq prej tyre. Sepse Donaldi dështoi si investitor. Sidoqoftë, ai asnjëherë nuk e pranoi disfatën. Duke ndjekur këshillat që i kishte dhënë mentori i tij i hershëm, Roy Cohn, Donaldi hapi qindra gjyqe ndaj ortakëve dhe kreditorëve të tij, që të dilte pa lagur financiarisht nga fiaskoja në Atlantic City.

Roy Cohn, juristi famëkeq njujorkez që e ndihmoi Donaldin e ri në vitet ‘70-’80 të kalonte nga tregu modest i ndërtesave të lagjes Queens, në atë luksoz në Manhattan, i dha tre këshilla dishepullit të tij: Gjithnjë kundërsulmo, akuzoji të tjerët pikërisht për atë që të akuzojnë, dhe kurrë mos prano dështim.

Donaldi dështoi edhe me universitetin e tij privat, Trump University, por kurrë nuk e pranoi publikisht dështimin. Pas shumë padish e kundërpadish gjyqësore, ai pagoi në heshtje 25 milionë dollarë, pa pranuar asnjëherë faj publikisht.

Ndërsa për humbjen e tij në zgjedhjet presidenciale të vitit 2020, ai paraqiti 60 padi gjyqësore deri në Gjykatën e Lartë (ku 6 nga 9 gjykatësit ishin republikanë) dhe i humbi të gjitha. Por edhe sot e kësaj dite, ai nuk e pranon se i ka humbur ato zgjedhje. Madje siluron çdo republikan që pranon publikisht se ai humbi më 2020…

A mund të imagjinohet dot që Donaldi ta pranojë rezultatin e zgjedhjeve, në qoftë se i humbet sot ato?!?!?!

S.G/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 05/11/2024 19:51

    O lyrash.

    Përgjigju
  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

E njohur për ndërhyrjet ekstreme estetike, ndërron jetë ‘gruaja mace’

E njohur për ndërhyrjet ekstreme estetike, ndërron jetë ‘gruaja mace’

2 Janar, 19:40