Eduard Zaloshnja: Mediat, korrupsioni, krimi i organizuar

Eduard Zaloshnja: Mediat, korrupsioni, krimi i organizuar

Pavarsisht nga opinioni negativ që mund të kenë segmente të ndryshme të elektoratit shqiptar ndaj mediave shumë-segmentëshe në Shqipëri, ato, si grup, konsiderohen nga shqiptarët e thjeshtë si arma më efektive për luftën ndaj korrupsionit. Por perceptimi për lidhjet e mediave me krimin e organizuar është tejet negativ. Kështu rezultoi nga një sondazh rigoroz që zhvillova në fund të marsit në të gjithë territorin e vendit.

Tek pyetja “Kush mendoni se luan aktualisht rolin më të rëndësishëm në luftën kundër korrupsionit?”, mediat ishin në vend të parë me 28%, ndjekur në distancë nga qeveria, me 23%. Ky perceptim ndoshta ka të bëjë me faktin se, pavarsisht nga axhendat dhe motivet e ndryshme të mediave të ndryshme (që qytetari i thjeshtë mund të mos i njohë), ato herë pas here ekspozojnë skandale të rënda korrupsioni.

Teksa mediat rezultojnë me përqindje të mira në opinionin e shqiptarëve të thjeshtë në lidhje me denoncimet për korrupsionin, kur vjen puna për krimin e organizuar, opinioni nuk është dhe aq pozitiv.

Pyetjes “A ndikon krimi i organizuar në raportimin mediatik?”, 42% i përgjigjen “Po” dhe 36% i përgjigjen “Ndoshta po”. Vetëm 20% i përgjigjen “Jo” kësaj pyetje. Këto përgjigje tregojnë një perceptim tejet negativ të qytetarëve të thjeshtë rreth lidhjeve të mundshme mes krimit të organizuar dhe mediave shqiptare.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

20 punët më të paguara në botë

20 punët më të paguara në botë