POP 5

Lajmet më të lexuara të 5 minutave të fundit

Opinion

Eduard Zaloshnja: Në SHBA, 70% s’duan të qeverisen nga asnjëri prej dy politikanëve kryesorë; në Shqipëri, pothuaj 50%

Sipas sondazhit më të fundit të The Associated Press-NORC Center for Public Affairs Research,  70% e amerikanëve s’duan asnjërin prej dy politikanëve kryesorë ta qeverisin SHBA-në nga 2025-a e tutje.

Eduard Zaloshnja: Në SHBA, 70% s’duan të qeverisen nga asnjëri prej dy politikanëve kryesorë; në Shqipëri, pothuaj 50%

Foto ilustruese

Sipas sondazhit më të fundit të The Associated Press-NORC Center for Public Affairs Research (lexo këtu),  70% e amerikanëve s’duan asnjërin prej dy politikanëve kryesorë ta qeverisin SHBA-në nga 2025-a e tutje. Ndër ata 30% që duan, diçka më shumë se gjysma preferojnë Trump-in. Sidoqoftë, pavarsisht se vetëm 30% duan një nga dy kandidatët kryesorë, rreth 60% e amerikanëve me të drjetë vote pritet të votojnë në zgjedhjet e ardhshme (sipas parashikimit të modeleve statistikore amerikane për pjesëmarrjen në votim). 

Nga një sondazh që zhvillova para dy javësh për shqiptarja.com (lexo këtu: ), rezulton se 48% e zgjedhësve të këtushëm s’duan asnjërin prej dy politikanëve kryesorë ta qeverisin Shqipërinë nga 2025-a e tutje. Nga ata 52% që duan, 7 ndër 10 preferojnë Ramën. Sidoqoftë, pavarsisht se vetëm 52% e zgjedhësve të këtushëm duan një nga dy kandidatët kryesorë, rreth 75% e banorëve të rritur pritet të votojnë në zgjedhjet e ardhshme (sipas parashikimit të modelit tim statistikor për pjesëmarrjen në votim). Për 1.6 milionë zgjedhësit në emigracion nuk mund të bëhet asnjë parashikim, nëse do të arrijnë dot të votojnë, apo se për kë mund të votojnë.

Se çfarë ndodh në zgjedhjet shqiptare nuk ka absolutisht asnjë rëndësi për zgjedhjet amerikane, por sipas shumë eksponentëve të opozitës, çfarë ndodh në këto të fundit mund të ketë ndikim në zgjedhjet shqiptare. Ndësa ndër shqiptarët e thjeshtë të këtushëm, vetëm 30% mendojnë se zgjedhjet amerikane mund të kenë ndikim ose një farë ndikimi në zgjedhjet shqiptare (lexo këtu)

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi