POP 5

Lajmet më të lexuara të 5 minutave të fundit

Opinion

Eduard Zaloshnja: Sa ortodoksë e katolikë banojnë në Shqipëri?

Kisha Ortodokse Autoqefale e Shqipërisë ka reaguar lidhur me Censin e 2023 për popullsinë, duke kundërshtuar rezultatin e deklarimit të besimit fetar

Eduard Zaloshnja: Sa ortodoksë e katolikë banojnë në Shqipëri?

Kisha Ortodokse Autoqefale e Shqipërisë ka reaguar lidhur me Censin e 2023 për popullsinë, duke kundërshtuar rezultatin e deklarimit të besimit fetar. Sipas regjistrave tanë të pagëzimeve, thuhet në deklaratën e kishës, tregohet qartë se numri i të krishterëve orthodhoksë është shumë herë më i madh nga sa rezulton në Cens, duke kujtuar se sipas statistikës së vitit 1927 kemi këto të dhëna: myslimanët sunitë dhe bektashinj përbënin 67.5%; orthodhoksët 22.3% dhe katolikët 10%.

Para kësaj deklarate të Kishës Ortodokse, edhe zëdhënësi i Konferencës Ipeshkvnore të Shqipërisë, Dom Mark Pashkja, kishte shprehur dyshime për numrin e katolikëve të regjistruar nga Cens-23. “Në këto vite, ne si komunitet katolik, nuk kemi kryer regjistrime për popullsinë. Prandaj, edhe neve na lind një angazhim për ta kryer këtë Census nëpër Dioqezat dhe famullitë tona për ta njohur, edhe pse përafërsisht, por me realizëm, numrin e katolikëve në territor,” deklaroi ai.

Vënia në dyshim e shifrave të Censit-23, bazuar në statistika të vjetra apo në regjistra pagëzimesh fetare, nuk merr parasysh lëvizjet tektonike demografike që kanë ndodhur në Shqipëri, sidomos gjatë 34 vjetëve të fundit. Kështu, duke ndërthurur shifrat e Censeve nga 1989 e këtej, me lindjet dhe vdekjet brenda territorit të vendit, rezulton se plot 1.62 milionë shtetas të lindur këtu nuk banonin në Shqipëri në fund të vitit 2023. Dhe nuk mund të dihet se cilave besimeve fetare u përkasin ata që janë larguar nga vendi…

Sidoqoftë, disa shqetësime të ngritura nga përfaqësuesit kishtarë rreth Censit-23 janë legjitime. Kështu, numri i madh i besimtarëve të pacilësuar (13.8%), të atyre që preferuan të mos përgjigjen (10.2%), dhe të atyre që nuk ishin të disponueshëm (5.6%) – në total 29.6% - e bën të paplotë tablonë e besimeve fetare që na jep Cens-23 për Shqipërinë.

Në Barometrin e Sigurisë të CSDG-së (që u bazua në vrojtimin rigoroz statistikor që drejtova unë në gjithë territorin e Shqipërisë në periudhën 6-15 prill), kishte edhe një pyetje rreth besimit fetar, konkretisht “Në cilën fe besoni, nëse besoni?”. Dhe kësaj pyetje vetëm 0.2% e të anketuarve preferuan të mos i përgjigjen. Kështu që ky barometër na jep një tablo të plotë statistikore për besimet fetare të popullsisë së rritur të vendit.

Siç pritej, rezultoi se dominojnë myslimanët sunitë me 57.7%, të ndjekur në distancë nga ortodoksët (12.7%), katolikët (11.9%), bektashijtë (10.6%) dhe protestantët etj. (0.5%). Ndërkohë, 6.6% janë deklaruar ateistë/afetarë (shihni tabelën e mëposhtme).

Pyetje në Barometrin e Sigurisë të CSDG-s

Në cilën fe besoni, nëse besoni?
%
Marzhi i gabimit statistikor (plus/minus)
Mysliman Sunit
57.7
2.5
Ortodoks
12.7
0.8
Katolik
11.9
0.7
Bektashi
10.6
0.6
Protestant/tjetër
0.5
0.03
Ateist/Afetar
6.6
0.4
Refuzon të përgjigjet
0.2
0.01

SHËNIM: Vetëm 17.8% e banorëve të rritur shkojnë të paktën një herë në muaj në kishë/xhami/teqe

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agim .: 21/07/2024 08:07

    Të jesh fetar do të thotë të ndjekësh librin e shenjtë në jetën e përditshme. 90% e shqiptarëve gënjejnë se pa pikë turpi thonë jam i besimit islam duke pi alkol gjith ditën dhe nuk e ka iden se çfarë shkruan kurani që të jesh mysliman i vërtetë. Prandaj dhe bota nuk na marrin seriozisht. E njëjta gjë vlen dhe për besimet e tjera fetare.

    Përgjigju
  • Leo: 20/07/2024 13:46

    Perse ju dhimka kaq shum feja por nuk ju dhimbet largimi i shqiptareve nga vendi ky esht problemi qe i dhem vendit sepse me shum se ngjysma e popullit jan larguar dhe ky esht nje katastrof kombetare...

    Përgjigju
  • rasim hulaj: 19/07/2024 23:25

    Duhet të bëhet regjistrimi i saktë sa përqind shqiptarë jetojné në Shqipëri e sa përket përkatësisë fetare kjo nuk ka rëndësi fare.????????????????????????

    Përgjigju
  • Bee bumblebee: 19/07/2024 23:16

    Censi ishte mashteim si per numrin e myslimaneve, katolikeve dhe ortodokseve.

    Përgjigju
  • Bee: 19/07/2024 15:40

    Shiptaret jan nje komb me disa ,

    Përgjigju
  • Arku: 19/07/2024 15:33

    E ç’na çatë menderen me këto fe. A janë shqiptarë keta, kjo ka rëndësi.

    Përgjigju
  • GOLI: 19/07/2024 13:07

    KRIJESA RELATIVE, SIÇ ESHTE NJERIU BESON NE ABSOLUTEN..NE ÇFAR BINDJE E KA BESIMIN NDAJ ABSOLUTES ESHTE PERGJEGJSIA E TIJ....SKA NEVOJE TI EMERTOJME NE GRUPE BSIMESH......ZOTERIU REFUGJAT I VIT- 90...I THENE BESIMTAR ISLAM,NE KALM SE BASHKU PRANE KISHES NE ULM TE GJERMANISE BERI KRYQIN NE VETE......Ç'TE THEMI PER TE......

    Përgjigju
  • Konkluzion: 19/07/2024 11:23

    Duhet te dilni ne konkluzion qe kishave, protestant e xhamiave u ka dale boja dhe njerezve nuk u rruhet fare as per njeren as per tjetren. Te respektiosh tjetrin eshte gjithcka cfare Zoti urdheron dhe ska nevoje te jape njeri mend.

    Përgjigju
    • Pa Emer: 19/07/2024 15:10

      Te jeshe katolike nuk mjafton te besh kryq ne rruge por duhet te pagzohesh nuk ka asgje te keqe te shikohen rregjistrat

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03